Video: Ja si I përshëndet fansat Ballist Morina pas lirimit nga burgu

Nga Gjergj Erebara

Fondi Monetar Ndërkombëtar vlerëson se fushata kundër informalitetit, ndonëse shtoi numrin e bizneseve formalisht të regjistruara është rritur në mënyrë të ndjeshme, të ardhurat e buxhetit të shtetit janë “të kufizuara” dhe se qeveria shqiptare ka gjasa do të duhet të tregojë persistencë në zbatimin e ligjit dhe jo thjeshtë fushatë.

“Numri i punonjësve të regjistruar në periudhën gusht-tetor u rrit me 70 mijë vetë, një rritje 14% në krahasim me një vit më parë, ndërsa numri i bizneseve të regjistruara u rrit me 33 mijë njësi, me një rritje prej 35% në krahasim me një vit më parë,” thuhet në raportin e FMN të publikuar sot (24 shkurt).

Gjithsesi, këto shifra nuk nënkuptojnë njëkohësisht rritje kaq të madhe të të ardhurave. Gjatë muajve të fundit, zyrtarë të Ministrisë së Financave pranuan nën zë se, ndonëse bizneset u trembën në periudhën e fushatës dhe regjistruan një numër të madh punonjësish, shumë u rikthyen te mosbindja duke i çregjistruar punonjësit më vonë.

Në total, FMN vlerëson se regjistrimi i punonjësve shtesëmund të japë shtesë në të ardhura buxhetore të barabartë me rreth 0.25% të PBB-së (ekuivalenti i rreth 25 milionë eurove) për vitin 2016.

“Të ardhura të tjera shtesë janë të pasigurta në këtë fazë”,- thotë FMN.

“Shumica e bizneseve të reja të regjistruara janë biznese mikro apo të vogla, të cilat kanë ndikim shumë të kufizuar në të ardhura. Praktikisht nuk ka pasur rritje në xhiron e deklaruar të bizneseve të regjistruara me TVSH.

Reagimet në sjelle të biznesit, të tilla si deklarimi pak më i ulët se sa limiti i regjistrimit si biznes i madh apo ndarja e bizneseve të disa njësi, mund të tresin më tutje ndikimin e fushatës në të ardhurat fiskale”,- vijon më tej FMN.

Konkluzioni final është se përfitimet në të ardhura nga fushata rrezikojnë të mbeten vetëm të përkohshme në rast se përpjekjet për të luftuar evazionin fiskal nuk vijojnë për një periudhë të gjatë.

“Për të gjitha këto arsye, stafi (i FMN) po tregohet konservator në parashikimin e të ardhurave shtesë të mundshme nga përpjekjet për të përmirësuar bindjen fiskale, pavarësisht se ka shumë potencial që të ardhurat të rriten”,- thuhet në raport.

Qeveria shqiptare nisi një fushatë shtatorin e kaluar, në të cilën punësoi 500 inspektorë të rinj taksash me supozimin se do të luftonte evazionin fiskal dhe hodhi poshtë kritikat që argumentonin se deficiti në të ardhura është si pasojë e evazionit në nivel të lartë dhe jo si pasojë e evazionit të biznesit të vogël.

Pas pretendimeve fillestar për rritje dramatike të numrit të bizneseve të regjistruara, qeveria gjithsesi e mbylli vitin 2015 me mbi 36 miliardë lekë më pak të ardhura nga sa kishte parashikuar në buxhetin e shtetit./BIRN/

Foto+16: Fanny e harron Balon, tani në krahët e një tjetër futbollisti

Fanny Neguesha e ka harruar yllin italian, Mario Balotelli. Kështu shkruajnë mediat italiane, që sot janë marrë me “look”-un e ri të Negueshas. Sa i përket jetës sentimentale, shkruhej fillimisht që zemrën e saj e ka fituar futbollisti i Ëest Hamot, Cheikhou Kouyate, ndërsa më pas pati informacione edhe për Leiës Hamiltonin. Opsionet për Negueshan janë të panumërta dhe Mario Balotelli sigurisht që është penduar./lajmi.net/

25/02/2016/.........................


Sekuestrohet makina e “Mesit shqiptar”, bosi më i madh i kokainës

Është sekuestruar nga policia italiane, makina e trafikantin më të madh të kokainës i cili është shqiptar. I quajtur “Mesi i Shqipërisë’, Bledar Pajana, njihet si një nga trafikantët më të mëdhenj të drogës në Itali, i cili sillte në vendin fqinj çdo muaj nga Amerika e Jugut mbi 200 kilogram kokainë.

Gjatë arresitimit ai ishte duke udhëtuar me mjetin e tij luksoz, Range Rover, me vlerë 100 mijë euro.

Ai u arrestua në 11 tetor të vitit 2014 nga policia holandeze. Ndërsa në mars të vitit të shkuar është ekstraduar në itali.

Blushi: PS, falje shqiptarëve! Mbushi Kuvendin me kriminelë

Deputeti i PS-së, Ben Blushi, komentoi ngjarjet e sotme në Kuvend. Ai tha se ka ardhur koha që PS-ja t’u kërkojë falje shqiptarëve. Sipas Blushit, kjo nuk duhej të ishte një seancë vezësh, por një seancë që të kishte debat.

“Partia Socialiste duhet t’i kërkojë ndjesë shqiptarëve për ndotjen e këtij parlamenti. Shumë njerëz me rekorde kriminale nuk duhet të ishin në Kuvend.

Ka ardhur koha që PS t’i kërkojë ndjesë shqiptarëve, duke degraduar raportin e zgjedhësve me të zgjedhurit”,- tha Blushi.

Video e re: Rama i shpëtoi vezëve, por jo topthit të deputetes së PD

Kryeministri Rama ishte sot objekt sulmi, jo vetëm verbal i deputetëve të opozitës. Në mes të acarimit të situatës, kur parlamentarët e PD-së bllokuan foltoren e Kuvendit dhe përpara se ai të sulmohej me vezë, një topth prej letre të lagur u gjuajt në adresë të tij nga deputetja Albina Deda.

Reflekset e basketbollistit duket se nuk i shërbyen këtë herë kryeministrit. Edhe pse ai u përpoq të shmangej, nuk i shpëtoi dot shënjestrës.

Shikoni më poshtë videon:

Masakra e Mamurrasit, kapet Tom Mamli i kërkuar për vrasje

Kapet gjatë një operacioni nga sektori i Krimeve të Rënda të Policisë së Tiranës, Tom Dod Mamli, person shumë i kërkuar për vrasje dhe plagosje.

Ngjarja ka ndodhur në 24 shtator 2015 kur i arrestuari Tom Mamli bashkë me persona të tjerë të arrestuar, Enrik (Elton) Dodë Mamli, 28 vjeç, banues në Zhejë, Kurbin janë dhe Taulant Sami Bebri (Arjan Sami Tafa), 26 vjeç, banues në Mamurras, Kurbin dhe Dorjan Ndue Mamli, 31 vjeç, banues në Zhejë, Kurbin, kanë qëlluar për vdekje Naim Tafën.

Tafa, ishte liruar nga burgu në Itali pasi kishte përfunduar dënimin, vetëm 15 ditë para se të vritej.

Në kërkim janë:

Paulin (Roland) Dodë Mamli, 29 vjeç, banues në Mamurras, Kurbin.

Gentjan Murat Elezi (Tafa), 30 vjeç, banues në Mamurras, Kurbin.

NGJARJA

Pas përplasjes së automjeteve, personat që ndodheshin në të dy automjetet kanë qëlluar me armë zjarri në drejtim të njëri-tjetrit, ku si pasojë ka mbetur i vdekur shtetasi Naim Idriz Tafa, 35 vjeç, banues në Mamurras, Kurbin, dhe janë plagosur shtetasit:

1. Altin Llesh Çoku, 30 vjeç, banues në Kurbin.

2. Idriz Elez Tafa, 59 vjeç, banues në Mamurras.

3. Taulant Sami Bebri (Arjan Tafa), 26 vjeç, banues në Mamurras, Kurbin.

4. Besim Sali Xhetani, 68 vjeç, banues në Mamurras, të cilët ndodhen në Spitalin e Traumës Tiranë jashtë rrezikut për jetën.

Shtetasit Idriz Elez Tafa, Besim Sali Xhetani dhe Altin Llesh Çoku kanë që kalimtarë të rastësishëm dhe nuk kanë lidhje me ngjarje.

I dëmtuar fizikisht ka mbetur edhe Dorian Ndue Mamli, 31 vjeç, banues në Zhejë, Kurbin, por jo me armë zjarri, por si shkak i konfliktit me kushërinjte e tij.

Në vendngjarje janë gjetur dhe sekuestruar në cilësinë e provës materiale 12 gëzhoja armësh zjarri mod. 56 kalibër 7.62 mm, 4 predha armësh zjarri, telefona celularë, dy automjetet dhe një armë zjarri automatik mod. 56 pa numër (fshirë) me dy karikatorë me nga 30 fishekë mod.56, armë e cila iu kap shtetasit Enrik Mamli.

PKD apel qeverisë: Merrni masa për fluksin e refugjatëve

Partia Kristian-Demokratenjë prej aleateve të koalicionit të majtë qeverisës, i ka bërë apel qeverisë të marrë masa të menjëhershme për të paraprirë fluksin e refugjatëve sirianë që nga ora në orë mund të dyndet drejt kufitit shqiptar.

Npërmjet një deklarate për shtyp bërë sot, kryetari i Partisë Kristian Demokrate, Avokat Dhimitër Muslia, ka kërkuar nga qeveria marrjen e masave në zonën e kufirit me Greqinë, pasi një fluks i papritur mund ta gjente vendin e papërgatitur ndaj një krize humanitare.

Më poshtë deklarata e polotë e kryetarit të Partisë Kristian-Demokrate:

“PKD po ndjek me vëmendje dhe shqetësim problemin e mprehtë të refugjatëve sirianë në dyert e Europës. Kjo parti e konsideron situatën e krijuar jashtëzakonisht të rëndë për stabilitetin e rajonit ballkanik në veçanti, por edhe të të gjithë kontinentit në përgjithësi.

Çështja e shtruar për zgjidhje është shqetësuese jo vetëm për mundësinë e një katastrofe humanitare, por edhe për rrezikun e një situate të paprecedentë dhe destabilizuese në rajonin e Ballkanit.

PKD apelon të gjitha strukturat përgjegjëse shtetrore për marrjen e masave urgjente në përballimin e këtij problemi që pritet të ndodhë.

PKD apelon gjithashtu të gjithë faktorët politikë në vend që të angazhohen me të gjitha mjetet, në përgatitjen për tejkalimin e këtij problemi të mprehtë me rëndësi jetike për të ardhmen tonë, por edhe të gjithë kontinentit europian.

Në kushtet e krijuara, përgjegjshmëria politike dhe njëmendësimi politik është i domosdoshëm. Ne e kemi një shembull, precedentin e luftës së Kosovës. Ti referohemi atij”,- thuhet në deklaratën për shtyp të Partisë Kristian-Demokrate të Shqipërisë.

Videolajm: Ja si kanë evoluar limuzinat presidenciale në SHBA
Nga Kadillaku i Roosveltit te “bisha” e Obamas... Vetura e presidentit amerikan konsiderohet si vetura më e sigurt në botë, e quajtur “Bisha” kjo veturë është një bunker me rrota.

Por si ka evoluar deri tek kjo veturë që është sot?

Në videon e animuar më poshtë shihet se, si vetura presidenciale ka evoluar ndër vite, që nga vetura e parë e përdorur nga presidenti Lincoln e modelit K-series, “Sunshine Special” përdorur nga Franklin D. Roosevelt, deri tek “Cadillac” i vitit 2009, “Cadillac One” “Bisha” e cila transporton presidentin e tanishëm Barack Obama.

Shkenda Dubova kapet ‘mat’, fotografohet nudo gjatë masazhit
Këngëtarja e njohur Shkenda Dubova, njihet për linjat e saj perfekte.

“Lajmi.net” ka siguruar një fotografi të këngëtares e cila shihet tërësisht nudo gjatë një seance masazhi.

Shkenda shumë shpejtë do të publikojë këngën dhe klipin e saj më të ri, pas suksesit të këngës “Maje n’men”.

Shkeli moratoriumin e pyjeve, 50-vjeçari gjobitet me 5 mln lekë

Gjatë inspektimeve të Inspektoriatit Shtetëror të Mjedisit dhe Pyjeve, në kuadër të zbatimit të moratoriumit 10-vjeçar për shfrytëzimin e pyjeve, paraditen e sotme është kapur një kamion tip “Ford” me targë “AA 119KU” me lëndë drusore.

Ndaj drejtuesit të mjetit, shtetasit H.M. 50 vjeç, vendlindja Berat, u vendos gjobë në masën 5 milionë lekë, ndërsa lënda drusore dhe mjeti u sekuestruan.

Ky është rasti i dytë brenda pak ditësh që ISHMP konstaton shkelje të moratoriumit, prej hyrjes në fuqi më 11 shkurt 2016.

Pak ditë më parë një tjetër drejtues mjeti u kap në flagrancë me një kamion me lëndë drusore në Shkodër.

Foto: Zbulohet e dashura seksi e Cristiano Ronaldos

Cristiano Ronaldo mesa duket ka krijuar një lidhje të re me një supermodele.

Të paktën kështu raportojnë mediat bullgare, të cilat thotë se, ylli i futbollit është dashuruar me modelen Nikoleta Lozanova.

Mendohet se ai është tërhequr ndaj modeles, pasi ka parë fotot në Instagramin e saj.

Ajo ka marrë më pas një mesazh nga ylli i futbollit, i cili ka shfaqur interes për të.

Nikoleta në vitin 2006 ishte ylli i revistës “Playboy” në Bullgari./tvklan.al/

Foto: Kjo është ushtria më seksi në botë...
Rusia është ndër fuqitë e para botërore ushtarake. Një rol të rëndësishëm në të ushtrojnë edhe femrat ushtare. Siç shihet në fotot e mëposhtme, nga një paradë e kryer disa javë më parë, femrat ruse përveçse të përgatitura, janë dhe mjaft të bukura.


Video: Veza që trembi ministren Felaj

Ministrja Ermonela Felaj, “ka dalë nga rreshti” sot nga frika e vezëve. Ajo duket se ka qenë më e prekura nga goditja me vezë në parlament. Në fakt, veza kishte në shenjestër kryeministrin Rama, por ka përfunduar në karrigen e Felajt. Ka qenë moment i dukshëm tensioni për Felajn, e cila u ngrit e para nga karrigia duke lënë sallën e parlamentit. Shihni videon:

Na mashtruan!?
Nga Blendi Fevziu

Na thanë që ligji do t’i lërë jashtë! Na thanë që pas miratimit të tij shumë prej atyre që vijnë nga bota e krimit, prostitucionit, drogës apo vrasjeve nuk do të jenë më në parlament. Na thanë që politika është penduar për vrasësit, hajdutët dhe kriminelët që ka futur në gjirin e saj. Na thanë se sot e tutje as në administratë nuk do ketë njerëz me precendentë penalë. Në fakt nuk ka ndodhur asnjë nga këto. Një muaj më parë, në opinion.al e ngritëm këtë shqetësim. Frikën që ligji nuk do zbatohet dhe frikën që ligji është bërë që mos prekë askënd. Që asnjë të mos dalë nga Parlamenti dhe asnjë të mos ikë nga administrata. As ata që i kanë parë të gjithë pas hekurave dhe që akuzohen deri për vrasje.

Sot, dy muaj e ca pas miratimit të ligjit jemi rikthyer sërish aty ku ishim. Tek debati për dekriminalizimin që e kërkojnë të gjithë e që deri më sot, nuk ka nxjerrë askush nga vendet ku kanë hyrë e që s’i meritojnë. Dhe me gjasë nuk do ta bëjë asnjë. Thuhet që nuk janë miratuar ende aktet nënligjore; thuhet që nuk është hartuar ende formulari; thuhet që po gjehet forma më e mirë e verifikimit, por gjithçka që thuhet ka vetëm një përfundim: dekriminalizim s’ka.

Në fakt, më shumë se sa çështje ligji, dekriminalizimi është çështje vullneti politik. Eshtë vendim për t’i mbyllur derën e politikës çdo njeriu që ka qenë pjesë e botës së krimit; çdo njeriu që vjen nga biznesi dhe e ble politikën që të nxjerrë më pas përfitime prej saj; pra që e kthen atë në biznes. Shihni kush akuzohet për korrupsion: ata që janë pasanikët më të mëdhenj të parlamentit dhe që aty kanë hyrë jo për t’i shërbyer publikut, por për të mbrojtur, garantuar e shtuar pasurinë e tyre. Shihni kush hyn në parlament, ata që kanë shkelur ligjin, që kanë frikë prej tij dhe që politika ju jep imunitet.

Kjo nuk është vetëm çështje ligjore.

Edi Rama duhet të ndalojë angazhimin e këtyre njerëzve dhe përfshirjen e tyre në politikë. Nëse dikush ikën nga Parlamenti për këtë gjë dhe bëhet star i mbledhjeve të PS sërish ky është një akt kriminal.

Nëse dikush akuzohet për plagosje dhe Prokuroria me gjykatën ja ndryshon masën e sigurisë dhe akuzën 5 herë, ky është një akt kriminal. Edhe Prokurori e Gjykata duhet të mbajnë përgjegjësi për këtë. Janë njësoj të kriminalizuar edhe ata.

Lulzim Basha duhet të bëjë publik emrat e 19 deputetëve që, siç ka thënë, i prek ligji i dekriminalizimit. Nëse nuk e bën, sërish është fajtor sepse e ka përdorur një çështje madhore politikisht. Opozita nuk duhet të lejojë asnjë seancë pa filluar funksionimi i ligjit. Dekriminalizimi nuk është politikë, por një aksion jetik.

Ilir Meta duhet të heqë dorë nga praktiva e biznesizimit të politikës. Nga ideja që në çdo qark zgjidhet një biznesmen për deputet dhe ai e kthe më pas politikën në një lloj biznesi. Personal apo partiak. Politika e biznesi në Europë janë të ndara. Në ato raste që janë bërë bashkë ka rezultuar një dështim fatal.

Por të tre këta bashkë, duhet ta dinë që kjo nuk është çështje thjeshtë e tyre, por një problem i të gjithë shoqërisë. Eshtë edhe e ardhmja e fëmijëve të tyre, që pretendojnë nga prindërit një Shqipëri më të mirë. Më të mirë se sa Shqipëria që po projektojnë këta sot!

Foto+Video: Ja si i motivon lojtarët e skuadrës kjo superbombë

Kjo nuk është hera e parë që Alyssa Nelson, është parë tek feston koshat e shënuar të skuadrës së saj të preferuar.

Por kësaj here, shënimi i koshit nga Dragiçi i Miami Heats, kishte kënaqur pa masë fansen e flaktë, e cila nuk kishte hezituar të kërcente lartë nga gëzimi.

Ajo kishte postuar videon e këtij momenti në IG-në e saj, ku kishte marrë komente.

E madje disa i kishin thënë se, ajo është arsyeja pse do fillojnë të shikojnë ndeshje basketbolli më shpesh.

A ka marrë fund gazetaria?
Nga Marëan Bishara

Gjatë këtyre kohëve të vështira, të pasigurta dhe konfuze, unë gjej shpëtim në zgjuarsinë e Marilyn Monroe. “Çdo gjë ndodh për një arsye… dhe ndonjëherë gjërt e mira bihen veç e veç, kështu që më mirë që gjërat të bihen sëbashku”.

E përqafoj plotësisht konstatimin e Monroe rreth ndryshimit. Por ndonjëherë gjërat e mira bihen më veç, ndërsa të këqijat bihen bashkë. Duke sjellë këtë nëpër mendje, po mendoja se çfarë do të ndodhë teksa teknologjia transformon pejsazhin mediatik, duke pasuruar modelet e vjetra të lajmeve dhe strukturat e vjetëruara.

A do të bihen gazetarët dhe mediat e reja bashkë apo të ndarë?

Kohët ngacmuese

Gjatë muajit të fundit, unë fola me qindra e mijëra njerëz rreth botës me ndihmën e menaxherëve të dy komuniteteve të mëdha si Facebook dhe Smartphone. Të marrësh pyetje dhe komente nga çdo cep i botës dhe të përfshihesh në një bashkëbisedim global rreth çështjeve komplekse mbi axhendat ndërkombëtare është realisht një privilegj. Fakti qe biseda globale, të pakufizuara, të paedituara dhe të improvizuara mund të zhvillohen në çdo kohë dhe ngado, është dëshmues i potencialit të palimituar të internetit.

Teknologjia dhe revolucionet dixhitale kanë lejuar më shumë zëra që të dëgjohen dhe më shumë imazhe të shfaqen përtej vëndeve nga ku kanë dalë. Kështu njerëzve dhe përdoruesve u kanë dhënë më shumë zgjedhje për perspektiva të reja. Mediat e reja kanë nxitur mobilizimin social dhe politik si kurrë më parë. Ato kanë lejuar gjithashtu gazetarët që të aksesojnë më thjeshtë dhe shpejtë në lajme, falë komunikimit të shpejtë dhe arkivimit më të mirë.

Nga periskopi i Tëitterit deri te kanali i Youtube dhe jeta virtual e Facebook, grumbullimi, konsumimi dhe analizimi i informacionit po ndryshojnë kaq shpejt, sa do të ishte e nxituar po të përpiqeshim të përcaktonim efektet e tyre afatgjata. Dikush mund të diskutojë se revolucioni online ka lejuar një dialog më të shëndetshëm global dhe një liri më të madhe të shprehjes.

Centrali Dixhital

Sikurse Revolucioni Industrial, revolucioni dixhital bëri të njëjtën gjë me modelet dhe strukturat tradicionale, por gjithashtu çoi drejt rritjes së entiteteve të reja dhe të fuqishme. Personat me burime kanë influencë shumë më të madhe cilësore dhe sasiore në rrjetin online, se sa kanë në jetën e tyre reale.

Konglomeratet e reja dixhitale janë në një nivel që s’e kemi parë kurrë më parë. Ato po i lënë gjurmët e tyre në të gjitha drejtimet dhe proceset, duke ripërkufizuar natyrën e kulturës, komunikimit, medias dhe gazetarisë. Platformat online gjenerojnë përmbajtje, akses kontrolli dhe përpiqen të monopolizojnë marketingun dhe reklamat. Konglomeratet dixhitale përfitojnë më shumë nga “gazetaria qytetare”, pra individë jo profesionistë që raportojnë, të cilët prodhojnë përmbajtje të lirë dhe gjenerojnë trafik më shumë se sa gazetarët profesionistë.

Është një sfidë e madhe për çdo organizatë meditike që të arrijë te konsumtorët pa kaluar përmes këtyre konglomeratëve.

Mediat online drejtojnë, agregojnë, dhe sigurisht që zbavisin. Ato përcaktojnë pse ne e dimë atë që dijmë dhe si e komunikojmë. Mediat online dinë më shumë për ne se sa qeveritë. Influenca e tyra mbi produktin, kultivimin dhe shpërndarjen e kulturës, informacionin dhe lajmin është e jashtëzakonshme dhe rritet vetëm me një klik.

Atë që interneti e fsheh, po internet e nxjerr Në botën dixhitale me monopolet mega të fuqishme, një gazetar është është një lojtar shumë i vogël në një sepektakël vigan.

Teksa organizatat e lajmeve janë detyruar për të prerë buxhetet dhe reduktuar stafet, ato mbështeten te më pak gazetarë, kryesisht freelancer (gazetarë të pavarur).

Gazetarëve u duhet që në të njejtën kohë të shkruajnë, fotografojnë, editojnë dhe redaktojnë publikimet e tyre. A do t’i mbijetojnë gazetarët xhunglës dixhitale? Apo ata do të adaptojnë dhe rikonceptojnë misionin e tyre në një botë të mbushur me shumë mundësi?

Për median dhe gazetarinë, në të ashtquajturat “ditët e vjetra dhe të mira”, ndarja e punëve midis redaktorëve dhe publikuesve ishte e qartë me dy prioritete të ndryshme nga njëra tjetra: e mira publike dhe përfitimet.

Me ndërhyrjen e shkencës dhe teknologjisë, madje edhe të qeverisë dhe biznesit, njëra është e destinuar të dështojë, pra bjerë, pa ekzistencën e tjetrës në një shoqëri moderne.

Dhe në ndonjë përpjekje të njërës për të kontrolluar tjetrën, duke zëvendësuar kështu interesin e së mirës publike, rezultati ka qënë katastrofik./Al Jazeera/

“iPhone 7” vjen me këtë risi…

Duket se njerëzit nuk janë të kënaqur me vetëm 16GB hapësirë, ose versione të tjera të cilat i njohim, kështu që “Apple” duhet të ofrojë opsione të reja të hapësirës.

Një raport i fundit nga “bgr” thotë se, “iPhone 7” do të jetë në dispozicion edhe në versionin 256GB të hapësirës, që do t’ua lehtësojë njerëzve punën me përmbajtje dixhitale dhe atyre që incizojnë video në 4K.

Rivali i “Apple”, “Samsung”, njoftoi se ka gati kartat 256GB për celularët “Galaxy S7”, të cilët u lançuan kohët e fundit dhe që mbështesin këto lloj kartash.

Djali me qese… jo më i tillë. Tani bluze me firmën e Mesit

Në vend të qeses me numrin e futbollistit të preferuar argjentinas, 5-vjeçari afgan, Murtaza Ahmadi, mban veshur fanellën e vërtetë, me firmën e Lionel Mesit.

Emisioni “BBC Trending” zbuloi vogëlushin, tashmë i njohur si “fansi më i madh i Mesit”, i cili jetonte në lagjen Jagori, në provincën lindore të Gaznit në Afganistan.

Drejtuesit e ekipit të Mesit konfirmuan se, vogëlushit Murtaza Ahmadi, i ishte dërguar një fanellë me autograf nga sulmuesi i Barcelonës, i shpallur pesë herë, lojëtari më i mirë i Botës.

“E dua Mesin dhe ai mua, e shkruan në bluzën time”.

Kur fotoja e vogëlushit, me një qese me vija ku shkruhej numri 10 dhe emri i Mesit, bëri xhiron e botës, lojtari kërkoi ta gjente 5-vjeçarin për t’i dhuruar një fanellë të vërtetë.

Fillimisht u tha se, ai ishte irakian, por më pas xhaxhai që jetonte në Australi ndihmojë BBC-në të lidhej me babain e 5-vjeçarit, fansit të përbetuar të Mesit.

Asgjë nuk dihet për qesen, bluzën e parë që bëri të famshëm afganin Murtaza Ahmadi.

Ja si reagon trupi jonë pas konsumimit të pijeve energjike
Në ditët e sotme për shkak të ngarkesës në punë dhe angazhimeve të tjera, njerëzit nuk flenë në mënyrë të mjaftueshme. Kjo është arsyeja pse ata ndihen gjatë gjithë kohës të lodhur e të përgjumur.

Përveç kafes, konsumimi i një pije energjike në këto raste është bërë rutina e thuajse të gjithëve.

Sipas disa studimeve të bëra kohëve të fundit, thuhet se, pijet energjike mund të ndikojnë në sëmundjet kardiovaskulare, në tru etj. Është e vërtetë se për momentin mund të ndiheni të gjallëruar, thonë studiuesit, por më pas do të keni disa simptoma si:

Ankth

Lodhje

kronike

Tension të lartë

Stres

Çrregullime në koagulimin e gjakut

Rritje të rrahjeve të zemrës

Ndjeshmëri ndaj kafeinës etj
Nuk duhet të pini kurrsesi pije energjike nëse jeni shtatzënë, vuani nga tensioni i lartë i gjakut, apo sëmundjet kardiovaskulare.

Në këto raste, furnizojeni trurin me Yndyrna të shëndetshme Omega­3 dhe do të ndiheni më të gjallëruar.

Foto+16: Uauuu... Pamela Anderson vjen tërësisht nudo
Ndonëse 48-vjeçe, ajo është rikthyer me një fotosesion promovues për linjën e këpucëve “Vegan Shoes”. Por vëmendja u përqendrua më së paku tek këpucët, sepse trupi i zhveshur i Pamela Andersonit ishte i parezistueshëm.

Kësaj radhe Anderson kishte thyer traditën e vajzës bionde, duke vënë një parukë me flokë të zeza.

Këtë seance fotografie ajo e ka realizuar me qëllimin e ngritjes së vetëdijes, për përdorimin e materialeve bio në vend të lëkurës së kafshëve.

“Nuk e quaj veten ‘yll i famshëm’. Nuk më pëlqen kjo fjalë, sepse i famshëm mund të bëhet dikush për arsye të gabuara. Preferoj të them, jam aktiviste”,- ka thënë në fund bukuroshja nga Kanadaja.

Ja çfarë tregon pulitja e pavullnetshme e qepallave të syve

Dridhja e pavullnetshme e qepallës së syrit është një nga gjërat më të çuditshme që ndodh në trupin e njeriut. Kjo gjë na ndodh shpesh dhe për më tepër është nervozuese dhe e pakontrollueshme.

Pulsimi i papritur i qepallave, ose “myokymia” siç njihet në gjuhën mjekësore, ndodh kur stimulohen muskujt e vegjël dhe nervat përreth syve.

Lodhja dhe pagjumësia janë dy nga shkaktarët kryesorë, prandaj sigurohuni të bëni gjumë të mirë. Kafeina, alkooli dhe duhani, mund të shkaktojnë gjithashtu dridhje të pavullnetshme të qepallave, sidomos nëse konsumohen në tepri.

Stresi është një tjetër faktor kryesor, prandaj na ndodh shpesh që kur kemi ndonjë ngjarje të rëndësishme dhe ndihemi në ankth, fillojnë të na dridhen qepallat pa vetëdije.

Në këtë rast duhet të jeni të qetë dhe të përpiqeni të relaksoheni.

Zakonisht, dridhja e qepallave ndodh përkohësisht, por ka raste kur përsëritet për një kohë të gjatë.

Në këtë rast njerëzit këshillohen të vizitohen tek një mjek, pasi mund të jetë simptomë e një sëmundjes së Parkinsonit, një çrregullimi nervor ose mund të tregojë se keni nevojë për syze të reja.

De Biasi: Kështu e ngrita Shqipërinë e re
Gianni De Biasi flet 360 gradë për të shkuarën, të tashmen dhe të ardhmen e tij

Kualifikimi në Euro 2016 ishte një nga temat kryesore të bisedës së gjatë që ai zhvilloi në emisionin “Rruga drejt Rusisë” në versionin spanjisht por fillimisht ai u ndal te momentet kur pranoi ofertën e Shqipërisë.

“Mbërrita në Shqipëri pas eksperiencës time me Udinesen që u mbyll brenda pak muajsh pa pasur në dispozicion kohën e nevojshme për të punuar me skuadrën.

“Në Itali, shpeshherë një trajner nuk ka mundësinë të punojë siç ai dëshiron sepse koha mungon dhe shpeshherë thirret në një skuadër për të menaxhuar situatat momentale.

“Për këtë arsye pranova ofertën për të drejtuar Kombëtaren e Shqipërisë. E dija që do të ishte një mision i vështirë por kisha mundësinë për të qenë në qendër të projektit si në të shkuarën me disa klube”.

Në vijim, De Biasi u përqëndrua te ditët e para të punës me Shqipërinë duke e pranuar se situata ishte e ndërlikuar, ndërsa shton se skuadra aktuale është konkurruese, raporton Super Sport.

“Kisha në dispozicion një grup lojtarësh me moshë të madhe dhe kishim shumë pak cilësi. Në kokën time kisha një ide të qartë sepse e dija që mund të përmirësoheshim nëse do të punonim për të ndërtuar një grup me lojtarë të motivuar.

Më pas erdhën dhe shumë lojtarë me cilësi, ndërsa uniteti i grupit bëri ndryshimin. Aktualisht kam një grup shumë të fortë të cilit i pëlqen të jetë pjesë e Kombëtares.

Të gjithë mendojmë në të njëjtën mënyrë; Bashkë mund të bëjmë gjëra të mëdha! Kemi bërë hapa të mëdha në aspektin teknik, taktik dhe kontrollimin e topit duke mos i nënvleftësuar këto aspekte, gjë që ndodhte më parë”,- deklaroi strategu italian.


Fotolajm: Edhe Metën e kaplon gjumi në avion

Udhëtimi me avion duket se është një relaks për politikanët tonë. Pas Ramës edhe Meta kapet duke marrë një sy gjumë në avion, teksa kthehej nga vizita në Suedi. Fiks në kohën kur opozita hishte vezë në parlament kryeparlamentari kaplohet nga gjumi.

Video: Ja sa “Mercedes G-Class” shkuan në dasmën në Armeni

Mesa duket modeli më i shitur i “Mercedes-Benz” në Armeni është ai “G-Class”.

“Express” në vazhdim sjell videon e një dasme në Armeni, në të cilën shihet një numër i madh i veturave luksoze “Mercedes-Benz G-Class”.

Edhe në Kosovë janë parë dasma me super vetura, por kjo dasmë i bën ato të duken të “varfëra”.

Zhvillimet politike: Rama e Basha "pushtojnë" ekranet në mbrëmje

Pas ashpërsimit të toneve politike mes mazhorancës dhe opozitës, si dhe zhvillimeve të sotme në Kuvend, edhe mbrëmja televizive rezervon një përballje mes kryeministrit Rama dhe kreut të opozitës, Lulzim Basha.

Nuk bëhet fjalë për një debat direkt mes tyre, por për ballafaqim në emisionet e dy ekraneve kryesore në vend.

Rama është i ftuar në “Top Story”, ndërsa Basha në “Opinion”, emisione që të enjteve transmetohen në po të njëjtën orë.

Thaçi president? Policia e Kosovës në gatishmëri për çdo të papritur
Policia e Kosovës i ka bërë të gjitha përgatitjet për ruajtjen e sigurisë publike, gjatë ditës së premte kur është thirrur seanca e Kuvendit të Kosovës, për zgjedhjen e presidentit të Republikës së Kosovës, raporton “KosovaPress”.

Zëdhënësi i Policisë së Kosovës, Daut Hoxha, tha për “Kosovapress” se, Policia i ka marrë të gjitha masat e nevojshme për ta ruajtur sigurinë e qytetarëve të Kosovës gjatë ditës së nesërme, kur pritet të zgjidhet edhe i pari i vendit.

Kujdes! Ja pse rrobat e reja duhet t’i lani para se t’i vishni...
Sigurisht të gjithëve ju ka ndodhur, që në momentin e fundit të vendosni të kaloni një mbrëmje të bukur diku jashtë shtëpie. Por, rrobat që keni planifikuar t’i vishni, i keni të pa lara thjesht “nuk keni çfarë të vishni”. Prandaj, ju dilni shpejtë për të blerë diçka të re.