Veterinariya virusologiyasi

Uslubiy ko’rsatma.
Ushbu mashg’ulot 6 soatga mo’ljallangan. Vaqtni quyidagicha taqsimlash mumkin. Birinchi 2 soatda o’qituvchi tushuntirishi, namoyish qilib ko’rsatish(rejaga qarang) va talabalarning mustaqil ishlashi - KBR uchun antigen tayyorlash. Patologik material o’rnida o’lgan hayvonlardan olingan bir parcha teri yoki o’stirilgan hujayra bo’limidan olingan sigir homilasi.
To’qimalar 2-3 g penitsillin flakonlariga joylanib ustiga 50% li glitserin eritmasi quyiladi va sovutuvchi aralashma solingan termosga joylanadi.
Navbatdagi 4 soatda - o’qituvchining tushuntirishi, namoyish (rejaga qarang) va talabalarning mustaqil ishlashi - KBR ning asosiy tajribasini qo’yish.
Bunday vaqtda o’quv guruhini 4-5 kishilik kichik guruhchalarga bo’lish maqsadga muvofiq bo’lib har qaysi kichik guruhchalar ham KBR qo’yishi kerak.
Talabalar o’qituvchidan, sinalayotgan antigendan tashqari KBR ning barcha komponentlarini ishchi suyultirilgan holda oladi va KBR da tekshirib ko’radi.
KBR uchun biologik sanoat tomonidan ishlab chiqarilgan diagnostikumlar to’plamidan foydalanib, barcha komponentlardagi suyultirish ishlarini o’qituvchi oldindan bajarib qo’yadi va KBR tekshirib ko’radi.
Talabalar bilan KBR natijalarini hisoblab har bir kichik guruhchalarda muhokama qilinadi.
Komponentlarni tejash maqsadida talabalar uchun standart zardob va antigenlarning ikki karrali bo’lmagan suyultirilganlari tayyorlanadi.
Bulardan tashqari tekshirilayotgan materialni A, O va C turlarga oid zardoblar bilan tekshirish to’lasincha yetarli hisoblanadi.

« Gemagglyutitnatsiyani to’xtatish reaksiyasi yordamida parrandalarning gripp virusini Nyukasl kasalligi virusidan farqlash» mavzusidagi laboratoriya ishining
p a s p o r t i

mashg’ulotning maqsadi: GATR yordamida noma’lum gemagglyutinatsiyalovchi N'yukasl va gripp viruslarini bir-biridan farqlash.

Kerakli jihoz, reaktiv va asbob uskunalar: N'yukasl kasalligining virusi; shu virus uchun maxsus zardob; fiziologik eritma; l-2ml pipetkalar; pleksiglas panellar; 1%-tovuq eritrotsitlari; dezinfeksiyalovchi eritma quyilgan stakan; rezina nokcha; oynaga yozish uchun qalam.
Parrandalardagi gripp va N'yukasl kasalligining virusini laboratoriyada farqlab diagnoz qo’yish uchun:
Bajarish quyidagi reja asosida bo’ladi:
virusni tovuq homilasida ajratib olish; GATR yordamida gripp virusini n'yukasl kasalini chaqiruvchi virusdan farqlash. Parrandalarning gripp va N'yukasl kasalligiga gumonsiralganda virusni uchratish uchun tomchi usulida gemagglyutinatsiya reaksiyasini qo’yib ko’ramiz.
Buning uchun patologik materialdan tayyorlangan bir tomchi suspenziyaga, bir tomchi 5% tovuq eritrotsitlari qo’shiladi. Reaksiyaning musbat bo’lishi patmaterial tarkibida gemagglyutinatsiyalovchi virus borligini bildiradi.