Veterinariya virusologiyasi

Laboratoriyada oqsil kasalligiga tekshirish quyidagilarni o’z ichiga oladi: oqsil virusining antigenini topish va identifikatsiyalash (uning qaysi turga va variantga mansubligini aniqlash);
oqsil bilan kasallanib tuzalgan hayvonlar (rekonvalessentlar) qonida virusga qarshi antitelolarni radial immunodiffuziya reaksiyasi (RIDR va bilvosita immunofluoressensiya reaksiyasi (BIFR) yordamida topish va titrlash.
Oqsil virusining antigenini KBR yordamida topish va identifikatsiyalash.
Reaksiyaning komponentlari: a) kasallangan hayvondan olingan, sinalayotgan virus antigenining epizootik shtammi;
b) oqsil virusining variantga va turga oid shtammdagi virusi bilan giperimmunlangan dengiz cho’chqachasining zardobi (biofabrikada ishlab chiqariladi);
c) nazoratdagi antigenlar oqsil virusining turga va variantga xos shtammi (biofabrikada ishlab chiqariladi);
d) kompliment - dengiz cho’chqachasining quritilgan yangi normal zardobi;
e) biofabrikada ishlab chiqilgan gemolizin;
f) fiziologik eritmadagi qo’chqorning 2% eritrotsitlari aralashmasining distillangan suvdagi toza osh tuzining 0,85% eritmasi;
g) vezikulyar jarohatlanish chaqiradigan boshqa viruslarga, spetsifik zardoblar va antigenlar.to’plami.
KBR ni har xil hajmda qo’yish mumkin:
umumiy hajm 1 ml bo’lsa - har qaysi komponentdan 0,2 ml hajmda olinadi; 0,5 ml bo’lsa - har qaysi komponentdan 0,1 ml yoki mikro usulda - umumiy hajm 0,125 ml bo’lsa - har qaysi komponentdan 0,025 ml hajmda olinadi.
Oqsil antigenini tayyorlash.Kasal hayvondan olingan afta devori konservatsiyalovchi suyuqlikdan pH 7,4-7,6 bo’lgan fiziologik eritma yordamida tozalanadi, filtr qog’ozi bilan quritiladi, tarozida o’lchanadi, maydalangach mayda steril shisha qo’shilgan chinni havonchada bir xildagi massa hosil bo’lguncha yaxshilab aralashtiriladi. Aftaning massasiga nisbatan ikki barobar 1 g aftaga pH 7,4-7,6 2 ml' fiziologik eritma qo’shiladi. Hosil bo’lgan 33% suspenziya xona haroratida 2 soat davomida qoldiriladi (ekstraksiyalanadi), -10,-20⁰C da 5-18 soat davomida muzlatiladi. Eritilgach 3-5 ming ail/daq. 30-15 daqiqa sentrifugalanadi. Cho’kma ustidagi suyuqlik 58⁰C da 40 daqiqa davomida aktivligi yo’qotiladi, agarda suyuqlik pag’a-pag’a holda bo’lsa uni qaytadan 10-15 daq. 3 ming ail/daqiqa sentrifugalanadi, so’ngra KBR uchun antigen sifatida ishlatiladi.