Veterinariya virusologiyasi

Uslubiy ko‘rsatmalar
1.Viruslarni titrlash bo‘yicha mashg‘ulotni 4 soatga mo‘ljallab o‘tkazish yoki 2 marta 2 soatlik qilib o‘tkazish ham mumkin (viruslarni titrlashning ikki usuli). Qaysi mashg‘ulot birinchi o‘tkazilishining farqi yo‘q.
2.Virusning titrini NM₅₀ bo‘yicha hisoblash uchun mashg‘ulotga oldindan kamida 10 aniq ma’lumotga ega bo‘lgan misol tuziladi. Iloji boricha misolni har xil test-ob’ekt va har xil yuqumli ta’sir bio‘yicha tuzilsa talabaning xotirasida mustahkam o‘rnashib qolishiga erishiladi. Har bir misol oldindan yechilib tayyor javoblari bo‘lishi lozim. Bu esa tekshirishni osonlashtiradi. Talabaga har bir masala nomer qo‘yilgan varaqga yozib berilgani qulay.
3.Har qaysi usul bo‘yicha 50% natija beruvchi aralashmani Kerber yoki Rid va Mench bo‘yicha hisoblashning farqi yo‘q, chunki ular amaliyotda barobar va keng qo‘llaniladi.
4.Nyukasl kasalligining virusini titrlashda tovuq homilasining allantios suyuqligidan foydalanish maqsadga muvofiq. Iloji bo‘lmaganda nyukasl kasalligiga qarshi ishlatiladigan virus vaksina suspenziyasidan foydalanish ham mumkin. (GAR yaxshi ko‘zga ko‘rinarli natijani H-shtammi beradi).
5.Navbatdagi mashg‘ulot GATR bo‘lishini inobatga olib vaqtdan yutush uchun GATR tasvirini berish mumkin. Chunki shu tasvir asosida navbatdagi mashg‘ulotda talabalar reaksiya qo‘yib ko‘radilar.
6.GATR tasvirini ko‘chirib yozib olish talabalarning fikrlashiga va yodida qolishiga yordam beradi.

«Viruslar uchun gemagglyutinatsiyani to‘xtatish reaksiyasi (GATR) yordamida antitelolarni titrlash» mavzusidagi laboratoriya ishining
p a s p o r t i
mashg’ulotning maqsadi: Bu reaksiya, antiteloning gomologik virus (antigen) bilan uchrashib, uning nafaqat yuqumli ta’sirini, balki gemagglyutinatsiyalovchi qobiliyatini neytrallash xususiyatiga asoslangan bo‘lib, virionning gemagglyutinatsiyalovchi retseptorlarini o‘rab oladi va u bilan antigen + antitelo kompleksi hosil qiladi. GATR hatti harakati shundan iborat, probirkaga bir xil hajmda qon zardobi va virus suspenziyasi quyilib aralashtirilgach, ma’lum vaqtdan so‘ng eritrotsit suspenziyasi quyilib, aralashmada virus borligi aniqlanadi.