Veterinariya virusologiyasi

44-rasm.Antigennibevositaperoksidazausulibo‘yichatopishningtasviri:
a-antigen saqlovchi to‘qimaning kesmasi; b-ferment bilan belgilangan antitelo; c-antigen+antitelo+ferment kompleksi; d-substrat; e-substrat yordamida namoyon qilingan antigen+antitelo+ferment kompleksi;





45-rasm. Antigenni bilvosita peroksidaza usuli bo‘yicha topishning tasviri: a-antigenni saqlovchi to‘qimaning kesmasi; b-A-antigenga spetsifik antitelo; c-antigen+antitelo kompleksi; d-ferment bilan belgilangan ikkilamchi antitelo; e-ferment bilan belgilangan antigen+antitelo+ikkilamchi antitelo kompleksi; f-substrat; g-substratyordamidanamoyonqilingankompleks.


Hosil bo‘lgan kompleksni substrtat qo‘shish orqali ko‘rish mumkin, chunki ferment ta’sirida parchalanadi va fermentativ reaksiyaning rangli maxsulotini hosil qiladi. Natijalarni hisoblash yorug‘lik mikroskopida o‘tkaziladi. Bilvosita usulning afzalligi –turga qarshi globulinlarning universalligi, hamda bevosita usulga qaraganda kuchli sezgirligidir.
Elektron mikroskop yordamida viruslarni ko‘rish
Bu usul viruslarning interferensiyasiga asoslangan o‘stirilgan hujayralarda ayrim viruslar ikkinchi bir virusning ko‘payish qobiliyatini pasaytiradi.
Misol, cho‘chqalarning o‘lat virusi, oqsil virusining yuqumli aktivligini, nyukasl kasalligining virusi-vezikulyar stomatit virusini yuqumli aktivligini pasaytiradi.
Deyarli bu usul o‘stirilgan hujayralarda SPT ko‘rsatmaydigan viruslarni ko‘rish uchun ishlatiladi.
O‘stirilgan hujayrada cho‘chqalarning o‘lat virusini ko‘rish uchun (chunki u SPT ko‘rsatmaydi) infeksiya yuqqan hujayraga ikkinchi oqsil virusini eng kamida 100 TST₅₀ miqdorda yuqtirilib, so‘ngra 37⁰C termostatga joylashtiriladi. Bir necha kun o‘tgach, natijasi mikroskop ostida qaraladi.
O‘stirilgan hujayraga SPT ko‘rsatmasa, demak u hujayrada cho‘chqalarning o‘lat virusi bor deb hisoblanadi. Agar barcha probirkalarda SPT bo‘lsa, demak o‘lat virusi yo‘q, oqsil virusi sitopatogen ta’sir ko‘rsatganligi aniqlanadi.