«veterinariya» ixtisosligi bo’yicha oliy o’quv yurtlari uchun qo’llanma

Ferrolizin
preparati tarkibida temir, mis, rux, marganes, kobalt 
elementlarini saqlaydi, preparat cho’chqa bolalariga birinchi marta bir 
boshga 1,5 ml, ikkinchi marta 16 kundan keyin 2 ml muskul orasiga 
inyeksiya qilinadi.
Suferrovit
preparati buzoqlarga 0,15 ml/kg dozada hayvon to’liq 
sog’ayguncha har 3 kunda bir marta muskul orasiga inyeksiya qilinadi. 
Cho’chqa bolalariga ona qonidan yoki otlar sitratli qonidan 1-2 
ml/kg dozada 2 kunda bir marta, jami 2-3 marta teri ostiga yuboriladi.
Qondagi gemoglobin miqdorini oshirish va shu orqali gipotrofik 
bola tug’ilishining oldini olish maqsadida bo’g’oz cho’chqalarning 
tug’ishga 14-20 kun qolganda ferroglyukin 75 preparatidan 5 ml muskul 
orasiga yuborish mumkin. 
Ikki haftalik va undan katta cho’chqa bolalariga og’iz orqali temir 
gliserofosfat beriladi. 16 kunlikdan 26 kunlikgacha cho’chqa bolalariga 
kuniga 1,5g beriladi. 45 kunlikdan boshlab yana 10 kun beriladi. Temir 
saqlovchi preparatlar hazm kanali kasalliklarida parenteral yo’llar bilan 
yuboriladi. 
Buzoqlarda alimentar anemiyani davolashda temir preparatlaridan 
eng samaralisi ferroglyukin-75 hisoblanib, preparat buzoqlarga 15 
mg/kg dozada muskul orasiga yuboriladi. Qondagi gemoglobin 
miqdorini fiziologik me’yorlar darajasida saqlab turish uchun temir 
dekstranlari sutkasiga 36 mg temir moddasi hisobida parenteral yo’llar 
bilan yoki 70 mg og’iz orqali qo’llaniladi. 
Profilaktik maqsadda dispepsiya bilan kasallanib tuzalgan 
buzoqlarga ferroglyukindan 2,5 - 3 ml va V
12 
vitaminidan 80 - 120 mkg 
har 3 - 5 kunda 1 marta muskul orasiga yuborib turiladi. 16 haftalik 
buzoq organizmidan sutkasiga 12 mg temir ajralib chiqishi, sutkalik 
minimal talabning esa 46 ekanligi aniqlangan. Sutkasiga har 100 kg tana 
og’irligiga 1 gramdan temir sul’fat berib borish hayvonlarda 
anemiyaning oldini oladi.