«veterinariya» ixtisosligi bo’yicha oliy o’quv yurtlari uchun qo’llanma

Davolash. 
O’tkir zaharlanishda o’pka shishini yo’qotish uchun qon 
oqizib yuborilib, vena orqali glyukoza eritmalari, askorbin kislotasi va 
10 % li kalsiy xlorid eritmasi, teri ostiga kofein yoki vena orqali 
naperestyanka nastoykasi davolovchi dozalarda yuboriladi. Simptomatik 
davolash, rasionni uglevodlar, vitaminlar bilan boyitish tavsiya etiladi. 
Surunkali zaharlanishda davolash samarasiz bo’ladi. 

---

184 
Profilaktikasi.
Kampirchopon o’simligi yiliga ikki marta, ya’ni 
gullagan va donlayotgan paytida yig’ishtirilib, yo’qotiladi. Donli 
oziqalar maxsus mexanizmlar yordamida tozalanadi yoki donlar 30 % li 
osh tuzi eritmasida yuviladi. 
32-mashg’ulot. 
OSH TUZI VA KARBOMIDDAN
ZAHARLANISH
Reja:
1. Osh tuzidan zaharlangan hayvonni qabo’l qilish va davolash. 
2. Mochevinadan zaharlangan hayvonni qabo’l qilish va davolash.
Mashg’ulotning maqsadi:
talabalarga osh tuzi va karbomiddan 
zaharlanishlarga tashhis quyish va ularni davolash usullarini o’rgatish. 
Kerakli jihoz, reaktiv va asbob-uskunalar:
mochevina, osh tuzi 
namunalari, davolash tartibi bo’yicha slayd va jadvallar, zaharlangan 
hayvon turlari, fonindoskop, termometr, 10%li kalsiy xlorid eritmasi, 
1%li sirka kislotasi eritmasi, eritma quyish tizimi, steril shpris va 
ignalar. 
Osh tuzidan zaharlanish. 
Parrandalar, ba’zan otlar va yirik shoxli 
hayvonlar va qo’ylar kasallnadi. Zaharlanishning uchrashi va kechish 
darajasi mineral oziqlantirishga ham bog’liq bo’ladi. Osh tuzining 
o’ldiruvchi (letal) dozasi qoramollar uchun 3-6 g/kg, otlar uchun 2-3 
g/kg cho’chqalar uchun esa 1,5-2 g/kg ni tashkil etadi. Rasionda mineral 
moddalar yetishmaganda bu miqdor kamayishi mumkin. 
Sabablari.
Omixta yemlar tarkibida osh tuzining miq-dori 
me’yordan ortiqcha bo’lganda va hayvonlarga uzoq muddat mineral 
qo’shimchalar berilmagan hollarda hamda sug’orish chegaralanganda 
osh tuzidan zaharlanish kuzatiladi. Cho’chqa va mo’ynali hayvonlarga 
tuzlangan mahsulotlar va oshxona qoldiqlari berilishi zaharlanishga 
sabab bo’ladi.