Вазиятга ҳуқуқий баҳо беринг. Бизга тақдим этилган казус пудрат шартномаси билан боғлиқ. Ушбу казусни ҳал қилишда irac усулидан фойдаланамиз. Аввало, муаммоларни аниқлаб олсак: Пудрат шартномасини тузиш шартлари

Иккинчидан, Фуқаролик кодексининг 634 – модасида “Агар қонунчиликда ёки пудрат шартномасида пудратчининг шартномада кўрсатилган ишни шахсан ўзи бажариш мажбуриятлари келиб чиқмаса, пудратчи ўз мажбуриятларининг бир қисмини бажариш учун бошқа шахслар (ёрдамчи пудратчилар)ни жалб қилишга ҳақли. Бундай ҳолларда пудратчи бош пудратчи ҳисобланади”² деб белгиланган.
Буюртмачи ва пудратчи ўртасида вужудга келадиган муносабатга нисбатан учинчи шахсларни жалб қилиш мумкин. Учинчи шахсларни ишга жалб қилиш шартномавий алоқадорликнинг мураккаблиги билан изоҳланади. Тузилган шартнома бўйича пудратчи учинчи шахсларни жалб қилмай буюртмачининг топшириғини бажариши белгиланган ҳолат шартноманинг бир даражали тузилишдаги (буюртмачи – пудратчи) шартнома эканлигидан далолат беради. Агар шартнома бўйича буюртмачининг топшириғини бажаришга учинчи шахсларни жалб қилиш имконияти мавжуд бўлса, унда икки даражали тузилишдаги (буюртмачи – бош пудратчи – ёрдамчи пудратчи) шартнома дейиш мумкин. Агар қонун ҳужжатларида ёки шартномада пудратчининг шартномада кўрсатилган ишни шахсан ўзи бажариш мажбуриятидан келиб чиқмаса, пудратчи ўз мажбуриятларининг бир қисмини бажариш учун бошқа шахсларни жалб қилишга ҳақли. Бунда тараaларнинг муносабатларини шартномавий тартибга солиш буюртмачи –бош пудратчи ва бош пудратчи – ёрдамчи пудратчи даражадаги тузулиши бўйича амалга оширилади. Пудрат шартномасини ёки ушбу модда 1 қисми қоидаларини бузиб, ишга учинчи шахсни жалб қилиши оқидатида етказилган зарарлар учун пудратчининг жавобгарлиги белгиланган. Қоидага кўра буюртмачи ёрдамчи пудратчи шартномавий муносабатлари мавжуд эмас. Гап бу ерда бош пудратчининг буюртмачи олдида ёрдамчи пудратчи ҳаракатлари учун, ёрдамчи пудратчи олдида буюртмачининг ҳаракатлари учун жавобгарлиги ҳақида кетмоқда. Шу ўринда айтиб ўтиш керакки, ушбу муносабатларга нисбатан Фуқаролик кодекси 241 ва 334 моддаларининг мажбуриятни бажаришни учинчи шахс зиммасига юклаш ва уларнинг ҳаракатлари учун қарздорнинг жавобгарлиги ҳақидаги нормалар қўлланилади. Демак, юқоридагилардан билишимиз мумкинки шартнома тузиш шартларига амал қилинган. Казусда “БЕК” миллий таомлар вакили бош кийимларни 1 кун муддатда қандай бўлса, шу ҳолда тўғрилаб беришини, ёки янгисини олиб беришини талаб қилади. “Crystal clear” кийимлар ювиш корхонаси ҳодими Қ. эса айб корхонада эканлигини, йўл қўйилган камчиликни бартараф қилиб беришни тан олди. Фақатгина 1 кун кам эканлигини, оқилона муддат беришини сўрайди.