2. Talabalarning mustaqil ta’lim olish faoliyati modeli
Rassom-pedagoglar tayyorlash tizimida mustaqil ta’lim olish ko‘nikmalarini shakllantirishning ahamiyati muhimdir. Bu ijodiy ta’lim mazmuni va tuzilmasini modernizatsiya qilish masalasi bilan bog‘liq bo‘lib, zamonaviy o‘quv jarayonida zarur bo‘lgan ijodiy tafakkur, fazoviy tasavvur va kompyuter grafikasi savodxonligini shakllantirishni talab etadi.
Oliy ta’lim jarayonida mustaqil ishlar samaradorligini oshirishning ahamiyati va dolzarbligi Shundaki, tasviriy san’at va muxandislik grafikasi yo‘nalishi bakalavrlarini kasbiy layoqatlilik sifatini beruvchi asosiy kurslardan biri “Rangtasvir”dan auditoriyadan tashqari mustaqil ishlarni faollashtirishning yangi yo‘llarini ishlab chiqish uchun asos hisoblanadi.
Tadqiqotimizning maqsadi rassom-o‘qituvchini tayyorgarligi tizimida talabalarning fazoviy tasavvuri va ijodiy tafakkurini rivojlantirish, tashabbuskor, ijodkor mutaxassis, badiiy ijodkorlik bo‘yicha ma’lumotlarni mustaqil ola biladigan va foydalanish qobiliyatli rassom-pedagog kadrlar tayyorlashda mustaqil ta’limni samaradorlashtirish yo‘llari, vosita va metodlarini ishlab chiqishdir.
Bo‘lajak rassom-o‘qituvchilarning ijodiy tayyorgarligini takomillashtirish, xususan, ularda mustaqil ijodiy tafakkur, fazoviy tasavvur va badiiy-estetik tafakkurni shakllantirishning pedagogik shartlaridan biri – “Rangtasvir” kursi bo‘yicha auditoriyadan tashqari mustaqil ishlar mazmuni, uni tashkil etish va boshqarish texnologiyasini ishlab chiqishdir.
Oliy o‘quv yurtida bo‘lajak rassom-o‘qituvchilarni tasvirlash va ijodiy kompozitsiya tuzishga o‘rgatish – zamonaviy oliy maktabning asosiy vazifasidir. Bu badiiy asarlarni idrok etish va kompozitsiya bajarish maqsadga muvofiq, ijodiy va ma’suliyatli bo‘lishi zarur, albatta. Shu bilan birga, ta’kidlash joizki pedagogik adabiyotlarda oliy maktab talabalarining o‘qishi faqat o‘qitish bilangina emas, balki ularning mustaqil ta’lim olishi bilan ham tavsiflanadi.
Yuqorida bayon qilinganlardan kelib chiqqan holda talabalarni mustaqil ta’lim olishga o‘rgatish - mustaqil tasviriy faoliyat ko‘nikmalarini shakllantirish ob’ektiv zarurligi o‘quv faoliyati holati bilan ta’lim oluvchilarning mazmun, metod va natijalarga ko‘ra xilma - xil mustaqil o‘quv ishlarini yuritishning ichki imkoniyatlari o‘rtasidagi nomuvofiqlik ko‘zga tashlanadi. U talabalarning mustaqil ta’lim olish faoliyati xususiyatlari, uning mohiyati, tashkil qilish prinsiplari, mazmuni va metodlarini qarab chiqishga mavjud yondoshuvlarning xar xilligi bilan tavsiflanadi.
To‘plangan va tahlil qilingan ma’lumotlar muayyan xulosalar chiqarish imkonini berdi:
Do'stlaringiz bilan baham: |