Vazirligi nizomiy nomidagi toshkent davlat pedagogika

Birinchi bob bo‘yicha xulosalar

Bob bo‘yicha olib borilgan kuzatuvlar va ilmiy izlanish natijalari, muammoning hozirgi zamon holatini o‘rganish maqsadida olib borilgan o‘rganuv pedagogik tajriba-sinov ishlari quyidagi xulosalarni chiqarishga asos bo‘ldi:

1. 
   Hozirgi zamon pedagogika texnologiyalar taraqqiyoti sharoitida rassom-pedagoglarning professional tayyorgarligi mazmuni ham jiddiy o‘zgarishlarga uchrashi tabiiy holdir. Shu sababdan tadqiqotimizning
   

vazifalarini belgilash maqsadida rassom-talabalarning ijodiy ish faoliyati mazmuni o‘rganildi.

2. 
   Hozirgi zamonda rassom-talabalarning ijodiy ish faoliyatini o‘rganish asosida bo‘lajak rassom–talabalar o‘quv ijodiy tayyorgarligi mazmuni zamon talabiga muvofiq ravishda takomillashtirildi va ularning ijodiy tayyorgarlik tizimi ishlab chiqildi.
   
3. 
   Oliy pedagogika ta’limi tizimida bo‘lajak rassom-talabalar o‘quv ijodiy tayyorgarligining mavjud holatining nazariy va amaliy holatini o‘rganish tasdiqlaydiki:
   

• 
  oliy pedagogika ta’limi tizimida bo‘lajak rassom-pedagoglarni o‘quv ijodiy tayyorgarlik darajasi hozirgi zamon talablaridan orqada qolgan;
  
  • 
    mustaqil ta’lim olish oliy ta’lim tizimida asosiy pedagogik kategoriyalardan biri bo‘lib, uning mazmunini ishlab chiqish va talabalarning mustaqil ta’lim olish faoliyatini faollashtirish talabalarning o‘quv ijodiy tayyorgarligini takomillashtirishning asosi ekanligi tasdiqlandi;
    
  • 
    o‘rganuv tajriba-sinov ishlari asosida talabalarning o‘quv ijodiy tayyorgarlik tizimida ularning mustaqil ta’lim olish faoliyatiga xalaqit beruvchi omillar aniqlandi.
    

4. 
   Nazariy-izlanuv tadqiqoti natijalari oliy ta’lim tizimida talabalarda mustaqil ta’lim olish ko‘nikmalarini hosil qilish muhim pedagogik muammo bo‘lib, uni tadqiq etish dolzarb muammo ekanligi tasdiqlandi.