Vazirligi nizomiy nomidagi toshkent davlat pedagogika

- g‘oyaviy (dunyoqarashi) yo‘nalish: g‘oyaviy sobitlik; axloqiy va ma’naviy poklik; ijtimoiy majburiyat va fuqarolik mas’uliyati, ijtimoiy-siyosiy faollik.

• 
  kasbiy yo‘nalish: kasbiy ish qobiliyati; tasvirlash etikasi; ijodiy tafakkur; fazoviy tasavvur, ijodiy qobiliyat, yaratuvchanlik; noan’anaviy, yangilikni qabul qilishga tayyorlik; fikrda qat’iylik.
  
• 
  bilish (faoliyati) yo‘nalishi: ilmiy eruditsiya; bilishga tashnalik va qiziqish; shaxsiy faollik; yangilikni oldindan sezish; mustaqil ta’lim olish faoliyatiga tayyorlik (mustaqil tafakkur).
  

Oliy ta’lim tizimidagi pedagogik faoliyatimiz va ilmiy-pedagogik adabiyotlar tahlili ko‘rsatmoqdaki, o‘quv rejadagi “Rangtasvir” o‘quv fani talabalarda ijodiy bilim, malaka va ko‘nikmalarni shakllantirishning asosi hisoblanib, ijodiy qobiliyatlarining namoyon bo‘lishiga yo‘l ochadi. Ularning fazoviy tasavvurlarni kengaytirib, kompozitsiyaning asosini tashkil etuvchi ranglar munosabati va kolorit, ob’ektlarning eskizi va ranglavhalarini ishlash, syujetli etyudlarni qurish kabi o‘quv ijodiy savodxonlik malakalari bilan

qurollantiradi. Shuningdek, umum-mutaxassislik fanlarini va maxsus predmetlarni o‘rganish jarayonida badiiy savodxonlik darajalari rivojlanib, kompozitsiyalarni bajarish jarayonida egallangan bilim va malakalar yanada takomillashib, bitiruv malakaviy ishini bajarish jarayonida ularning o‘quv va ijodiy qobiliyatlari to‘liq namoyon bo‘ladi.

Shu munosabat bilan aytish mumkinki, rassom-pedagoglik insonning ijodiy qobiliyatini ro‘yobga chiqarishning asosiy sohasi bo‘lib, uni o‘rganish talabalarning badiiy va ijodiy qobiliyatini rivojlantirish uchun katta imkoniyatlar yaratadi.

Shunday qilib, rassom-pedagoglarning professional tayyorgarlik mazmunida badiiy bilim, malaka va ko‘nikmalar muhim rol o‘ynab, ularni shakllantirishda rangtasvirdan egallangan badiiy shakllarni tekislikda rangli munosabatlar orqali tasvirlash usullari asosiy o‘rinlardan birini egallaydi. Zamonaviy badiiy pedagogikada rassom-pedagoglarning ish faoliyatini o‘rganib, uning mazmunini ilmiy - tahlil qilish bo‘lajak rassom-pedagoglarning o‘quv ijodiy tayyorgarlik mazmunini hozirgi zamon talablari asosida modernizatsiya qilish (yangilash, zamonaviylashtirish, moslashtirish) zaruriyatini ko‘rsatdi.

Quyida shu haqda fikr yuritiladi.

2.