Vatan sajdagoh kabi muqaddasdir

Ayollarni madh etuvchi she’rlar

Siz mehridaryosiz, siz mehrigiyo,

Qadr qasridagi malikadursiz,
Yetti qat osmonni etgan mahliyo,
Sizdagi latofat, sizdagi hayo.
Men nechun siz haqda surmayin xayol
Mushfiq va muqaddas mo’`tabar ayol.
Tarixda To’maris, matonatlisiz,
Kumush timsolida sadoqatlisiz,
Mumtoz mahaldagi tanho latofat
Ra`no yuzlarida xijolatlisiz.
Demak, siz ekansiz barchaga iqbol
Va inju ulashgan pokiza ayol!
Xudoyimdan tilaganing naqd bormi?
Oyog’ingga boshim qo’ysam, dil osmon,
Ona sening tovoningda taxt bormi?

Tulporlarga tushov uyat, tushov or,

Bedorlarning bolishida hikmat bor,
Ming dodimda bir ohangning gardi yo’q.
Ona sening olqishingda oyat bor.

Osmon uzoq, Yer qattiq, deb ko’p aytding,

Yo’llar kutib darvozaga dard aytding,
Ona, yuzing tabassumlar talashsin,
Ajinlaring chehrangdagi shoh bayting.
Onasini bevaqt bergan baxtsiz ko’p,
Oh, onasiz taxtda turgan taxtsiz ko’p,
Otang ketsa, darding to’ksang, onang bor,
Onang ketsa, chiqmas ekan ko’zdan cho’p.

Orom so’zin osmoni ham onadir,

Qadr so’zin qo’rg’oni ham onadir,
SHe`ringni qo’y, Mahmud, onang ko’nglin top,
Jannatlarning posboni ham onadir.

Men jilg’aman, daryo bo’lib toshgim keladi.

Ona, sizga sodiq farzand bo’lgim keladi.
Bugun sizga faqat qo’shiq baxshida etdik,
Kerak bo’lsa jonni fido qilgim keladi.

So’zlar, menga ulug’ bir zotni yubor,

Men uni she`rimga munchoq qilaman.
HYech kimga aytmagan bitta gapim bor,
Farishta onamni yaxshi ko’raman.

Eng ulug’lardan ulug’ insonlar insoni ona!

Oyu kundan ham munavvar husni nuroniy ona!

Mehribonlar mehriboni yaxshilarning yaxshisi,

Mehru shafqat olamining yuksak osmoni ona!

Garchi nomidur ayolu qudratidir bemisol,

Tarbiyat mulkin zabardast mardi maydoni ona.

Qalbi daryo, oliyhimmat, har saxiydan ham saxiy,

Ya`ni g’amxo’rlik diyorin toza vijdoni ona!

Bag’ri bog’ sahniyu, farzand sunbulu rayhonu gul,

Bu hayot dunyosining eng katta bog’boni ona!

Arzimas bir jon uni ming jon fidosi bo’lsa ham,

Sadqai farzandlarin har lahza qurboni ona!

Onadek farzandni qadriga Yetar olamda kim?

Har qadirdondan qadirdonroq qadirdoni ona!
Yaxshi farzand onasin aylar rizo, aylar rizo,
Davlati ham baxti ham, darmoni ham joni ona!

Onajon deb sayragay qushlar chamanda, Chustiyo,

Sayragan bulbul dilimning she`ru dostoni ona!
Chustiy g’azali (Nabixon Xo’jayev)

Ona qadri cheksiz, ona bebaho,

Ona yaxshi rahbar, ona rahnamo,
Ona zo’r tabibu, ona chin davo,
Ona soyabonu ona jonfido.

Ona oliy himmat, ona sersaxo

Ona sertilakdir, ona serduo
Ota-onani kimki etmas rizo
U rasvo-yu olam bo’lur el aro.