Вариант №1-22 Қурилиш ашёларининг архитектурадаги ўрнини таърифлаб беринг. Безакли -бадиий пардозбоп қопламалар нима? Қурилиш ашёларида стандартлашни асослаб беринг. Безакли пардозбоп полимер композитларни тахлил қилиб беринг

Оғир бетон хиллари

Юқори мустаҳкам бетон маркаси 50 МПа дан кам бўлмаслиги керак. Одатда, юқори мустаҳкам бетон тез қотувчан бўлади. Шу сабабли, буғ камерасида юқори мустаҳкам бетон қотиш муддати қисқаради.

Фибробетон - асоси калта толалитўлдиргичлар билан мустаҳкамланган композит қурилиш ашёсидир. Бетон қоришмасини тайёрлашда ишқорли муҳитга чидамли толалар қўшиб унинг пишиқлигини оширилади.
Гидротехника иншоотларибоп бетон. Мунтазам ёки вақти-вақти билан сув таъсирида бўладиган иншоотларни қуришда ишлатиладиган бетонга гидротехника иншоотларида ишлатиладиган бетон дейилади. Бундай бетон бошқаларга нисбатан зич, сув таъсирида мустаҳкамлиги камаймайди, совуқ ва зарарли мухитга чидамли бўлади.
Йўлбоп бетон – маҳсус бетонлар турига киради. У автомобил йўллари ва аэродром қурилишларида ишлатилади. Йўлбоп бетон қоришмаси ерга ётқизилгандан кейин, уни қотиш даврида алоҳида парвариш қилиб туриш керак.
Маҳсус оғир бетонлар. Бетон хоссалари лойихада кўрсатилгандек талаб доирасида бўлиши учун унинг қотиш ва ишлатиш шароитини билган ҳолда цементни маркаси, тўлдиргичларни хили ва маркаси, кимёвий қўшилмаларни тури ва миқдори, шунингдек қоришма учун сув миқдори ва унинг сифати аниқланади.
Ўтга чидамли бетонлар. Бетон ва темирбетон конструкциялар саноат хумдонларининг ички ички сиртини ишлаб чиқишда, темир рудасини эритадиган ва сопол буюмларни куйдирадиган хумдон деворларни ишлашда, мўриларни қуришда ишлатиладиган бетон юқори ҳарорат таъсирида бўлади. Аммо, оддий цемент асосида тайёрланган бундай бетон ҳарорат 450⁰ С дан ошгандан кейин, аста-секин бузила бошлайди.
Кислотага чидамли бетонлар. Кислотага чидамли бетон қоришмаси с уюқ шиша, обдон туйилган кремний-фторли натрий (Na2Si^.F6) кислотага чидамли кукун ва йирик тўлдиргичларни (андезит, кварцит ва ҳ.к.) қориштириб тайёрланади.
Қум бетон таркибида йирик тўлдиргич бўлмайди, у асосан юпқа ҳамда армоцемент конструкциялар тайёрлашда ишлатилади. Қум бетоннинг хоссалари оғир бетонлардан кам фарқ қилади. Аммо, унда йирик тўлдиргичлар бўлмаганлиги туфайли, қоришманинг қулай жойланувчан бўлиши учун сувни кўп қўшиш керак бўлади. Демак, қум бетоннинг керакли маркасини таъминлаш мақсадида цемент ҳаражатини 20-40% га кўпайтирилади.