Вариант №1-22 Қурилиш ашёларининг архитектурадаги ўрнини таърифлаб беринг. Безакли -бадиий пардозбоп қопламалар нима? Қурилиш ашёларида стандартлашни асослаб беринг. Безакли пардозбоп полимер композитларни тахлил қилиб беринг

12.7.Енгил ва оғир бетон хиллари
Йирик ғовакли бетон. Таркиби йирик тўлдиргич (5-20 мм) ва боғловчи моддадан ташкил топган сунъий тош йирик ғовакли бетон деб аталади. Маҳаллий ашёлардан шағал ёки чақиқ тош сероб бўлган жойларда яхлит йирик ғовакли бетондан деворбоп блоклар, пойдеворлар, саноат бинолари учун йиғма темирбетон конструкциялар тайёрлаш жуда фойдали.

Оддий бетон учун боғловчи билан тўлдиргич нисбати 1:10 дан 1:20 (ҳажм ҳисобида) гача, юқори маркали бетон учун эса 1:6 дан 1:7 гача бўлган таркибда ҳисобланади. Қоришмада қумнинг бўлмаслиги ва цемент миқдори эса кам бўлганлиги туфайли бетонда йирик ғоваклар кўп бўлади. Бу эса бетоннинг зичлиги билан иссиқлик ўтказувчанлик коэффицентини бирмунча камайтиради.

Йирик ғовакли бетон маркасини томонлари 15х15х15 см га тенг бўлган кубларни тажрибахонада 28 кундан кейин, гидравлик зичлагичда сиқилишга синаб аниқланади. Бир ва икки қаватли бино деворлари учун йирик ғовакли бетоннинг маркаси 15-25, 6-7 қаватли бинолар учун 30-50, 8 қаватли бинолар учун эса 70-100 гача бўлган йирик ғовакли бетонлар ишлатилади.
Йирик ғовакли бетоннинг зичлиги ундаги тўлдиргичнинг хилига боғлиқ. Масалан, ғовак оҳактошли бетоннинг зичлиги 1500 кг/м3га тенг бўлса, зич оҳактошли бетонники 1700 кг/м3.
Чақилган гранит ёки оғир тошқол тоши ишлатилган йирик ғовакли бетоннинг зичлиги ўрта ҳисобда 1800-1950 кг/м3га тенг.
Проф. Скрамтаев Б.Г. ва бошқа кўпгина олимларнинг тажрибалари шуни кўрсатдики, енгил тўлдиргичлар (керамзит, аглопорит, перлит ва бошқалар) асосида, зичлиги жуда кичик (600-1000 кг/м3) бўлганда мустаҳламлиги 2-5 МПа га тенг бино деворлари учун йирик ғовакли бетон ишлатиш афзал.
Йирик ғовакли бетоннинг иссиқлик ўтказувчанлик коэффициенти унинг зичлигига боғлиқ. Зичлиги 1500 кг/м3 бўлганда, иссиқлик ўтказувчанлик коэффициенти =0,55, зичлиги 1700-1900 кг/м3 бўлганда эса =0,65-0,85 Вт/(м.^оС) га тенг бўлади. Йирик ғовакли бетондан қурилган деворларнинг иссиқлик ўтказувчанлигини камайтириш учун уларнинг юзасини суваш керак.
Кўп ғовакли (ячейкали) бетонлар. Кўп ғовакли бетон жуда енгил, 90% гача ғоваклардан ташкил топган, зичлиги (300 дан 1200 кг/м3гача) билан иссиқлик ўтказувчнлик кўрсаткичлари 0,07 дан 0,38 Вт/(м⁰С) бошқа бетонларга нисбатан кичик бўлган ашёдир.