Vaqt : Talabalar soni: Ma’ruza rejasi

Tana mikroflorasining odam hayotidagi ahamiyati.
Odam organizmining normal ishlashida 
evolyutsiya jarayonida yuzaga kelgan tana mikroflorasining ahamiyati juda katta. Masalan, me’da-
ichak yo’llari mikroflorasi ichak shilliq qavati morfologik tuzilishining shakllanishiga va uning 
adsorbtsiya qilish xususiyatiga ta’sir etadi. Ular har xil fermentlar ishlab chiqarib ovqat hazm qilish 
jarayonida qatnashadi. Oqsil almashinuvida hosil bo’lgan moddalar (fenol, indol) ichak 
peristalьtikasini yaxshilaydi. 
Ichak mikroflorasi kalьtsiy, vitamin D, temir kabi moddalarning so’rilishiga yordam beradi. 
Bundan tashqari, aminokislota, oqsil, V1, V2, V3, V5, Vs va K kabi organizm uchun zarur bo’lgan 
vitaminlarni ishlab chiqaradi. 
Ichakdagi bifidum va laktobakteriyalar organizmga tushgan toksik moddalarni notoksik 
mahsulotlarga aylantirib, o’sma hosil bo’lish jarayoniga to’sqinlik qiladi. 
Odam organizmidagi autoxton mikroblar boshqa fakulьtativ mikroorganizmlar, ayniqsa patogen 
turlari uchun yuqori antagonistik xususiyatga ega. Masalan, bifidum va laktobakteriyalar kislota, 
spirt, bakteriotsin kabi moddalar ishlab chiqaradi. Bundan tashqari, normal mikroflora egallagan 
shilliq qavatlarga boshqa mikroorganizmlar (masalan, ichakning mukoz florasi) adgeziya qila 
olmaydi. 
Normal mikrofloraning asosiy vazifalaridan biri bu immun sistemani quvvatlashdir. 
Mikroorganizmlarning antigenlariga nisbatan organizmda ma’lum darajada immun javob 
rivojlanadi. Bu doimiy ta’sir natijasida sirtqi immun tizim a’zolari rivojlanadi va mahalliy himoya 
kuchayadi (IgA miqdori oshadi). Masalan, steril sharoitda o’stirilgan hayvonlar (gnotobiontlar)da 
sirtqi limfoid tuzilmalar rivojlanmay qoladi. 
Normal mikrofloraning sifat va miqdor jihatidan chuqur o’zgarishi 
“disbakterioz”
deb atalgan. 
Bunday jarayon ko’pgina omillar hisobiga yuzaga kelishi mumkin, lekin asosiylariga antibiotiklarni 
noto’g’ri qo’llash, immun tizimning yetishmovchiligi, nurlanish, kuyish, zaharlanish, ekologiyaning 
o’zgarishi, stress kabilar misol bo’la oladi.