Ва ўрта махсус

1-топшириқ. Қуйидаги гаплардан илмий атамаларни топиб, қайси фанга тегишли эканлигини кўрсатинг.
1.Текисликдаги тупроқнинг таркиби, ундаги нам миқдори, турли йил фасллардаги иссиқлик ва ёруғлик миқдорига қараб тоғ олди ва тоғларда турли-туман ўсимликлар ўсади. 2.Прагматика тилшунослик фанининг янги соҳаларидан бўлиб, у бир қанча масалаларни ўз ичига олади. Лингвистик прагматиканинг умумназарий масалалари қуйидагилардан иборат: тил бирликларининг нутқ вазияти, контекст билан боғлиқ жиҳатлари, кишилар ўртасидаги муносабатни ифода этувчи нутқий этикетлар, нутқнинг ижтимоий хосланиши, ифоданинг субъектив модал аспектига алоқадор кириш, баҳо билдирувчи сўз ва воситалар, инсоннинг ички руҳиятини ифода этувчи дискурс ҳамда пресуппозиция ҳодисасини ўрганиш⁴. 3.Интеграциялашувнинг навбатдаги даражаси ажратилган мазмунли йўналишларни ҳисобга олган ҳолда таянч тушунчалар тизими аниқланишини назарда тутади.
2-топшириқ. Берилган матндан илмий услубга хос сўзларни аниқланг.
Коннотация – тил бирликлари семантикасига узуал ёки окказионал тарзда кирувчи семантик мавжудлик бўлиб, у нутқ субъектининг борлиққа эмотив баҳолаш ва услубий белгиланган муносабатини ифода этади⁵. И.В.Говардевский денотация ва коннотация, коннотация даражалари, коннотатив таҳлил, тиллараро коннотатив қиёсий лексикани ўрганди⁶. И.В.Арнольднинг фикрича, коннотация таркибига тўртта асосий: эмоционал, баҳолаш, экспрессив, стилистик компонентлар киришини кўрсатиб ўтади. Бу тўртта компонент бир вақтнинг ўзида, ҳар хил кўринишда ёки умуман қатнашмаслиги мумкинлигини таъкидлайди⁷. А.В.Филиппов шундай фикр билдиради: “Коннотация деганда, биз маълум лисоний бирлик семантикасига кирувчи ва уни тўлалигича намоён этувчи денотатив ва грамматик бўлмаган маънони тушунамиз. Бундай маънони эмоционал, услубий-стилистик мазмун деб номлаш керак”⁸. У коннотация таркибига эмоционаллик ва услубий бўёқдан ташқари баҳо муносабатини ҳам киргизади⁹.


3-топшириқ. Қуйидаги атамалар асосида илмий услубга хос матн тузинг.
Вазн, аруз, қофия, шеърий жанр, туюқ, мисра, радиф, рубоий, оддий рубоий, таронаий рубоий.