Ва ўрта махсус

Глоссарий:
ариза – (арзнома, илтимоснома), муайян муассаса ёки мансабдор шахс номига ёзилган илтимос, таклиф, шикоят мазмунидаги расмий ҳужжат.
билдирги – кўпчиликка етказиш, маълум қилиш учун тайёрланган ёзма ёки босма хабар, эълон, билдиришнома.
билдиришнома – юқори органлар ёки мансабдор шахсга бирор маълумотни етказиш лозим бўлганда тақдим этиладиган муфассал ёзма ахборот.
Таржимаи ҳол – кишининг ўз шахсий ҳаёти ва фаолияти ҳақида ёзилган баён, автобиография.
Тушунтириш хати – бирор воқеа, гап, ҳужжат кабиларнинг маъносини очиш, ойдинлаштириш учун берилган оғзаки ёки ёзма изоҳ, шарҳ.
тавсифнома – бирор кишига оид маълумотлар, унинг сифатлари қайд этилган ҳужжат, ёзма тавсиф.
тавсиянома – ёзма тавсия, маслаҳат, маъқул деб топиб тақдим қилиш учун ёзилган расмий ҳужжат.
ишончнома – муайян муассаса ёки айрим шахс номидан иккинчи бир шахсга унинг номидан иш кўриш учун ёзма равишда ишонч билдирилган ваколатли ҳужжат.
тилхат – пул, ҳужжат, қимматбаҳо буюмлар ёки бошқа бирор нарса олганлигини тасдиқловчи расмий ёзма ҳужжат.
баённома – мажлис, йиғилиш, кенгаш ва бошқа тур анжуманларнинг боришини ва улар қабул қилган қарорларни аниқ, сиқиқ ҳолда қайд қилувчи ҳужжат.
маълумотнома – фуқароларнинг турмуши ва иш фаолиятига оид воқеа-ҳодиса ва ҳолатларни акс эттириб тасдиқлаб берадиган ва талаб қилинган жойларга тақдим этиладиган (кўрсатиладиган) расмий ҳужжат.
телеграмма – телеграф орқали узатилган ёки қабул қилинган шошилинч хабар, ҳужжат ва шундай хабар ёзилган қоғоз.
ахборот – иш, воқеа-ҳодисалар ҳақида тушунча берувчи хабар, маълумот.
Тестлар:
1. Эълон, тилхат, таклифнома маълумотнома... Бу атамалар қайси услубга хос?
А) бадиий услуб
Б) илмий услуб
С) расмий услуб
Д) публицистик услуб
2.Таржимаи ҳолнинг кетма-кетлигини ифодалаган ҳолда тегишли рақамларни катакларга ёзинг.
1) ота-онаси ҳақида маълумот;
2) иш фаолияти;
3) миллати, ижтимоий келиб чиқиши;
4) оилавий аҳволи;
5) туғилган жойи, вақти;
6)манзили;
7) имзо, сана;
8) исми, фамилияси, ота-онасининг исми
9) маълумоти
10) охирги иш жойи ва лавозими.