Ва ўрта махсус

1-топшириқ. А.Ориповнинг қуйидаги шеърини насрий матнга айлантириб ёзинг. Матн мазмунини ўз сўзларингиз билан тўлдиринг.
Дунё бир гулзордир кенг ва бетимсол,
Юлдузлар ғунчадир унинг ичида.
Қўғирчоқ ичида қўғирчоқ мисол
Гуллар ўстирамиз хона ичида.
Дунё бир боладир шўх ва бетимсол,
Унинг ахтаргани шодлик ва кулгу.
Қўғирчоқ ичида қўғирчоқ мисол
Унга эрмак бўлиб қолмасак бўлди.

2-топшириқ. “Меню” методи асосидаги топшириқни бажаринг.

Бунда кичик гуруҳга аниқ топшириқлар берилади. Масалан, илмий, расмий, бадиий, ва публицистик матнлардан намуналар тайёрланади. Бу намуналар орқали ҳар бир гуруҳ учун алоҳида топшириқ берилади. Топшириқ: 1. Ҳар бир гуруҳ бир турдаги матнни қолган матнлар орасидан ажратиб олади. 2. Матнда мураккаблашган гапларнинг қайси тури қатнашганини аниқлайди ва уларни ажратади. Ҳар бир гуруҳ ўз топшириқларини олади ва уни 3 дақиқа давомида муҳокама қилади.

3-топшириқ. Қуйида берилган шеърий парчадан бадиий услубга хос хусусиятларни аниқланг.
НАВРЎЗ
Табиатга меҳрла боқиб,
Самоларда кулди тўлин ой,
Лола гулдан гулчамбар тақиб,
Адирлардан тушди кўкламой.
Чиройини қилиблар кўз -кўз
Боғларимдан гул терди наврўз.

Парвоз қилиб, кўкда чарх уриб

Қалдирғочлар айвонга қайтди,
Сулув қизлар атласлар кийиб,
Қувноқ-қувноқ ўланлар айтди.
Дурдона -ю, Дилрабо, Дилсўз,
Ҳур қизларга ўхшайди наврўз.

Кулди қуёш заррин нур сочиб,

Мовий рангга тўлди самолар,
Ҳар тарафга ҳушбўй таратиб,
Эсди майин, сокин саболар,
Далаларга зар сочган - зардўз
Кўклам билан келди гул наврўз.

Дошқозонда қадим сумалак,

Чаманларда булбуллар саси,
Қалблар аро эзгу ўй, тилак,
Юртимизда баҳор нафаси,
Таърифингга тополмадим сўз
Диёримга хуш келдинг, наврўз.
(Хуршид Карим)