V. V. Mayskiy

Geksobarbital
(Geksenal) kirish narkozi uchun tomir ichiga yuboriladi. Ta‘sir davomiyligi 
taxminan 20 minut. Yurak-qon tomir tizimi va nafas olish tizimiga salbiy ta‘sir boʻlishi 
mumkin. 
Metogeksital
(Brevital) Vena ichiga yuborilgandan keyin ta‘siri 5-7 daqiqa davom etadi. U 
kirish narkozida va minimal darajadagi ogʻriqdilan kechadigan qisqa muddatli jarrohlik yoki 
diagnostika protseduralari uchun ishlatiladi. 
Propanidid
(sombrevin) - tomir ichiga yuboriladigan ―oʻta qisqa‖ narkoz kelib chiqadi. 
Ampulalarda eritma sifatida mavjud. Vena ichiga yuborilgandan soʻng narkoz qoʻzgʻalish 
bosqichisiz 20-40 soniyada sodir boʻladi va 3-5 daqiqa davom etadi, chunki propanidid qon 
plazmasining xolinesterazasi bilan tez gidrolizlanadi. Uygʻonish narkozning jarrohlik 
bosqichi tugaganidan 2 minut oʻtgach, toʻliq tiklanishi - 20-30 daqiqadan soʻng sodir boʻladi. 
Propanidid qisqa muddatli narkozlarda ya‘ni biopsiya, tishni olib tashlashda, shuningdek
kirish narkozi uchun ham ishlatiladi. 
Propofol
(diprivan) tomirga taqsimlab yoki tomchilab yuboriladi.Ta‘sir 30 soniya ichida 
sodir boʻladi va infuziya tugagandan soʻng tezda (3-5 daqiqadan soʻng) toʻxtaydi. Propofol 
analgeziyani keltirib chiqarmaydi va shuning uchun preparat opioid analgetiklar bilan 
birgalikda qoʻllaniladi. 
Propofol kirish narkozida, qisqa muddatli operatsiyalar yoki manipulyatsiya uchun 
ishlatiladi. 
Ketamin
(ketalar, kalipsol) narkoz sifatida faqat shartli ravishda kiritiladi . Vena ichiga 
yuborilgandan keyin 30-60 sekund ichida yaqqol namoyon boʻlgan umumiy ogʻriqsizlantrish 
va ongni qisman yoʻqotish rivojlanadi, ammo narkoz emas. Skelet mushaklari tonusi 
pasaymaydi. Ushbu holat ―dissotsiativ anesteziya‖ deb nomlanadi. Ketamin ta‘sirining 
davomiyligi, dozaga qarab 5-20min davom etadi. Preparatni mushak orasiga yuborish 
mumkin; bu holda, ta‘siri 15-25 daqiqa davom etadi. 
Ketamin asosan kuyish, yaralarni davolash paytida, stomatologik amaliyotda, ogʻriqli 
diagnostik protseduralari uchun ishlatiladi. 
Ketaminning nojoya ta‘siri: taxikardiya, aritmiya, qon bosimining koʻtarilishi. Preparat 
ta‘sirining oxirida psixomotor qoʻzgʻalishlar , mantiqsiz xatti-harakatlar, gallyutsinatsiyalar 
kuzatilishi mumkin.