V. R. Rahimov, N. U. Ubaydullayev

Elektr usulida portlatishda tok manbasi.
 Elektr detonatorni 
portlatish uchun elektr toki manbayi sifatida kondensatorli portlatish 
asbobi, elektr toki uzatuvchi zanjir va elektr yoritgichlar zanjiridan 
foydalaniladi.
Shaxtada portlatish ishlari natijasida kavjoyda portlash xav-
fi bo‘lgan muhit yuzaga kelishi mumkin. Shuning uchun elektr toki 
manbayi sifatida Kon-texnika Davlat nazorati qo‘mitasi tomonidan 
shunday sharoitda qo‘llanishga ruxsat etilgan, sozlangan (tekshiril-
gan) kondensatorli portlatish asbobi qo‘llanishga ruxsat etiladi. Bar-
cha portlovchi asboblarda tokni ilgarilatib uzish prinsipi amalga oshi-
riladi. Bu shundan iboratki, tok impulsi portlatiladigan zanjirga 4 ms 
dan ko‘p bo‘lmagan vaqtda avtomatik tarzda beriladi. Portlatish zan-
jirini kondensatordagi kuchlanishdan ilgarilatib o‘chirilishi portlatish 
jarayonida massivda parchalangan ko‘mir yoki tog‘ jinslari bo‘laklari-
ning itqitilishi tufayli portlatish zanjirining zararlanishi yoki uzilishi 
natijasida uchqun hosil bo‘lish xavfidan saqlaydi.
Hozirgi vaqtda gaz portlash xavfi bo‘lgan shaxtalarda portlatish 
ishlari olib borish uchun yoki chang portlash xavfi mavjud qatlamlar
-
ni qazib olishda ПИВ-100М, КВП-1/100М rusumli kondensatorli tok 
manbalarini qo‘llanishga ruxsat etilgan.