Узлуксиз таълим тизимида малакали кадрлар тайёрлаш муаммолари

Innovatsion yondashuvlar asosida milliy ta’lim tizimini takomillashtirish

2021-yil
 
23-aprel 
68 
Ўқитувчининг касбий фаолиятга тайёрлигининг босқичма-босқич шаклланиши 
методикаси ва малакаси, методик мавзу устида ишлашни амалга ошириш тадқиқотчилик 
меҳнати мезонларидан фойдаланиш асосида қурилади. 
Тадқиқотчилар томонидан муаммоли семинар ишлаб чиқилган, унинг 
структурасида лекция (маъруза) ва амалий машғулотлар мувофиқлиги кўзда тутилган. 
Амалий машғулотларни ўтказишнинг асосий шакли – кейинчалик босқичма-босқич 
кўриб чиқишга бағишланган натижаларни ўқитувчининг ўзини баҳолаши билан ўқитувчи 
томонидан махсус ишлаб чиқилган вазифаларни бажариш бўйича индивидуал ишлар 
асосида қўйилган масалаларга жамоавий муҳокамаларга мувофиқ ёндашиш мумкин бўлган 
машғулот. 
Муаллифлар томонидан бир вақтнинг ўзида англашга ёрдам берувчи конструктив-
методик фаолият ва таҳлил ҳамда тажрибаларни умумлаштириш соҳасида тақдиқотчилик 
малакасининг қуйидаги асосий ривожланиш йўналишлари шакллантирилган: 
- бошқа одамлар фаолиятини таҳлил қилиш қобилиятини ривожлантириш асосида 
шахсий фаолиятга муносабат бўйича ўқитувчи шахсининг аналитик йўналганлигини 
кучайтириш; 
- курсларда ўқитувчига методист-эксперт каби позицияни қўядиган, уни янгилик 
мезонлари бўйича бошқа тажрибаларни баҳолашга қизиқтирадиган ва амалиётда 
фойдаланиш имкониятини берувчи иш шаклини ташкил этиш; 
- ўз тажрибасини танқидий баҳолашнинг объективлигини ривожлантириш учун 
ҳамкорликдаги фаолиятнинг турли шаклларидан фаол фойдаланиш [43]. 
Хулоса сифатида айтиш мумкинки, мамлакатимиз таълим тизимида 
ислоҳотларнинг амалга оширилиши, бу ислоҳотларнинг малака ошириш тизими ва 
умумтаълим муассасалари олдига қўяётган талаблари, тингловчиларнинг эҳтиёжлари 
– янгиликларни таълим жараёнига татбиқ этиш юзасидан кўникмаларининг 
етишмаслиги, лекин, таълим самарадорлигини оширишга бўлган интилишлари 
малака ошириш жараёнини инновацион ёндашув асосида ташкил қилиш, шунга 
мувофиқ тизимнинг ўқув-методик таъминотини такомиллаштириш мақсадга мувофиқ 
бўлади. Бунинг моҳияти касбий фаолиятни яхлит тизим сифатида кўриш, унда 
тизимли фаолият кўрсата билиш, янги муаммо ва масалаларни ҳал эта билиш 
тажрибаларини шакллантириш учун замин яратишга хизмат қиладиган касбий 
фаолият элементларини таълим жараёнига киритишдан иборат.