“Uzluksiz kasbiy rivojlantirish – 2022” loyihasi

Uchinchi bosqich
1990-yildan to hozirga qadar davom etayotgan davrdir. 
Ushbu davrga xos xususiyatlar quyidagilardan iborat: 
-
1991-yilda sobiq Ittifoqning parchalanishi, uning tarkibidagi barcha 
ittifoqdosh respublikalarda mustaqil davlatlar tashkil topdi; 
-
Mustaqil davlatlar hamdo‘stligi (MDH) tashkil topdi; 
-
1991-yilda Varshava shartnomasi tashkiloti (Harbiy) va o‘zaro yordam 
iqtisodiy kengashi faoliyati to‘xtatildi. 
-
1990-yil 3-oktabrdan ikki nemis davlati (GFR va GDR) yagona 
davlatga birlashdi; 
-
Yugoslaviya Sotsialistik Federativ Respublikasi parchalanib, uning 
tarkibida Sloveniya, Bosniya va Gyertsegovina, Xorvatiya, Serbiya va Chernogoriya 
kabi mustaqil davlatlar sifatida e’lon qilindi; 
-
1990-yil may oyida ikki arab davlati-Yaman Arab Respublikasi 
(YAAR) va Yaman Xalq Demokratik Respublikasi (YAXDR) milliy-etnik 
asoslarida birlashdi (Yaman Respublikasi, poytaxti–Sana shahri) va b. 
 
Jahon xo‘jaligining 
shakllanish jarayoni amalda kishilik jamiyatining 
jami tarixini o‘z ichiga oladi. Chunki ishlab chiqarish kuchlarining necha ming yillar 
davomidagi evolutsiyasining natijasidir. Jahon xo‘jaligining shakllanishi va 
rivojlanishi jarayonlarini o‘ziga xos xususiyatlar bilan ifodalanuvchi ayrim 
bosqichlarga taqsimlash mumkin. Birinchi va eng uzoq davrni o‘z ichiga olgan jahon 
xo‘jaligi belgilari va regional xususiyatlari shakllana boshlagan bosqich buyuk 
geografik kashfiyotlar davrigacha davom etgan. Buyuk geografik kashfiyotlar 
natijasida xalqaro savdo Yevropa va Osiyodan keyin Yer sharining boshqa 
regionlarini ham qamrab oladi. Regionlar o‘rtasida mahsulotlarni ayirboshlash jahon 
bozorini vujudga keltiradi. Ushbu bozor transport rivojlanishi munosabati bilan yana 
ham kengaydi, chunki dengiz transporti barcha materiklarni birlashtirishga imkon 
berdi. Jahon xo‘jaligi XX asr arafasida to‘la-to‘kis shakllanib bo‘ldi hamda mazkur 
asrning birinchi yarmida uning rivojlanishi ayrim hududlarni qamrab olish hisobiga 
amalga oshdi. 
Jahon xo‘jaligi iqtisodiy kategoriyadir, chunki uning to‘g‘risidagi tushuncha 
ijtimoiy mehnat taqsimoti tushunchasi, xo‘jalik aloqalarining baynalmillashishi 
hamda xalqaro iqtisodiy integratsiyalanishi bilan aloqadordir. 
Jahon xo‘jaligi geografik kategoriya bo‘lib, u 3 yo‘nalishda tadqiq etiladi: 
1.
Jahon xo‘jaligining umumiy geografiyasi. 
2.
Uning tarmoqlari geografiyasi. 
3.
Yirik regionlar va subregionlar geografiyasi. 
Jahon xo‘jaligining shakllanishi va rivojlanishida xalqaro geografik 
mehnat taqsimotining o‘rni va ahamiyati beqiyosdir. 

---