Узбекистон республикаси олий ва урта махсус таълим вазирлиги тошкент Давлат Иктисодиёт Университети

2-савол. Ахлокшунослик бир неча минг йиллик тарихга эга булган кадимий фан. У бизда «Илми равиш», «Илми ахлок», «Ахлок илми», «Одобнома» сингари номлар билан атаб келинган. Оврупада эса «Этика» номи машхур, биз хам якин-якингача шу атамани куллар эдик. У дастлаб манзилдошлик, яшаш жойи, кейинчалик эса одат, феъл, фикрлаш тарзи сингари маъноларни англатган, юнонча «ethos» сузидан олинган.
Уни биринчи булиб юнон файласуфи Арасту муомалага киритган. Арасту фанларни тасниф килар экан, уларни уч гурухга булади: назарий, амалий ва ижодий. Биринчи гурухга фалсафа, математика ва физикани; иккинчи гурухга этика ва сиёсатни; учунчи гурухга эса санъат, хунармандчилик ва амалий фанларни киритади. Шундай килиб, кадимги юнонлар ахлок хакидаги таълимотни фан даражасига кутарганлар ва «Этика» (ta ethika) деб атаганлар.
Бирок бизда миллий-минтакавий ахлокий кадриятларимизнинг, дастлабки ахлокий іояларнинг вужудга келиши кадимги юнонлар яшаган даврда унлаб асрлар аввал руй берган. Аждодларимизнинг энг кухна эътикодий китоби «Авесто» бунинг ёркин далилидир. Шу сабабли эндиликда бу фанни хам илмий-тарихий, хам замонавий-хаётий талаблар нуктаи назаридан «Ахлокшунослик» деб аташни максадга мувофик деб билдик.
Ахлокшунослик ахлокнинг келиб чикиши ва мохиятини, кишининг жамиятдаги ахлокий муносабатларини урганади. «Ахлок» сузи арабчадан олинган булиб, «хулк» сузининг куплик шаклидир. «Ахлок» ибораси икки хил маънога эга: умумий тушунча сифатида у фаннинг тадкикот объектини англатса, муайян тушунча сифатида инсон феъл-атвори ва хатти-харакатининг энг камровли кисмини билдиради. Ахлокни умумий тушунча сифатида олиб, уни доира шаклида акс эттирадиган булсак, доиранинг энг кичик кисмини одоб, ундан каттарок кисмини – хулк, энг камровли кисмини ахлок эгаллайди.
Одоб – инсон хакида ёкимли таассурот уйіотадиган, лекин жамоа, жамият хаётида бурилиш ясайдиган даражада мухим ахамиятга эга булмайдиган, миллий урф-одатларга асосланган чиройли хатти-харакатларни уз ичига олади.
Хулк - оила, жамоа, махалла-куй микёсида ахамиятли булган, аммо жамият ва инсоният хаётига сезиларли таъсир курсатмайдиган ёкимли инсоний хатти-харакатларнинг мажмуи.
Ахлок - жамият, замон, инсоният тарихи учун намуна була оладиган ижобий хатти-харакатлар йиіиндиси, инсоний камолот даражасини белгиловчи маънавий ходиса.
Бу фикрларимизни мисолллар оркали тушунтиришга харакат киламиз. Дейлик, метрода ёшгина йигит, талаба хамма катори утирибди. Навбатдаги бекатдан бир кекса киши чикиб, унинг рупарасида тик туриб колди. Агар талаба дархол: «Утиринг, отахон!» деб жой бушатса, у чиройли аъмол килган булади ва бу аъмоли билан атрофдагиларда яхши кайфият уйіотади; четдан караб турганлар унга ич-ичидан миннатдорчилик билдириб: «Барака топгур, одобли йигитча экан», деб куядилар. Аксинча, талаба ё тескари караб олса, ёки узини мудираганга солиб, карияга жой бушатмаса, іашимиз келади, кунглимиздан: «Бунча беодоб, сурбет экан!» деган фикр утади, хуллас, у бизда ёкимсиз таассурот уйіотади. Лекин, айни пайтда, талабанинг карияга жой бушатгани ёки бушатмагани окибатида вагондаги йуловчилар хаётида дархол бирор-бир ижобийми, салбийми – мухим узгариш руй бермайди.
Хулкка куйидагича мисол келтириш мумкин: махалламиздаги оила бошликларидан бири имкон борича куни-кушниларнинг барча маъракаларида хизматда туради, кули-очиккул, доимо уз билимини ошириб боришга интилади, тиришкок, оила аъзоларига мехрибон ва х.к. Ундай одамни биз хушхулк инсон деймиз ва унга махалламизнинг намунаси сифатида караймиз. Борди-ю, аксинча булса, у куни-кушнилар билан купол муомала килса, туй-маъракаларда жанжал кутарса, сал гапга удаіайлаб, мушт укталса, ичиб келиб, оилада хотин-болаларини уриб, хакоратласа, уни бадхулк деймиз. Унинг бадхулклилигидан оиласи, теварак-атрофдаги баъзи шахслар жабр куради, махалладагиларнинг тинчи бузилади, лекин хатти-харакатлари жамият ижтимоий хаётига ёки инсоният тарихига бирор-бир кузга ташланадиган таъсир утказмайди.
Бирок бу фикрлардан одоб ва хулкнинг жамиятдаги роли у кадар ахамиятли эмас экан, деган хулоса чикмаслиги керак; фукоролар орасида одоблилик ва хушхулклиликнинг кенг ёйилиши жамият ахлокий хаётидагина эмас, балки бутунисича ижтимоий тараккиётга хам ижобий таъсир курсатади. Бу таъсир туфайли гарчанд жамият бирданига юксалиб кетмаса-да, аста-секинлик билан, мунтазам равишда яхшиланиб, равнак топиб боради.
Ахлокка келсак, масала ута жиддий мохият касб этади: дейлик, бир туман ёхуд вилоят прокурори узи масъул худудда доимо конун устуворлигини таъминлаш учун интилади, адолат карор топишини кузлаб иш юритади, лозим булса, хокимнинг ноконуний фармойишларига карши чикиб, уларнинг бекор килинишига эришади; оддий фукаро наздида нафакат уз касбини эъзозловчи шахс, балки хакикий хукук посбони, адолатли тузум тимсоли тарзида гавдаланади; у – умрини миллат, Ватан ва инсон манфаатига баіишлаган юксак ахлок эгаси; у, узи яшаётган жамият учун намуна булади, уша жамиятнинг янада тараккий топишига хизмат килади. Агар мазкур прокурор, аксинча, конун химоячиси деган номи булатуриб, узи конунни бузса, шахсий манфаати йулида окни кора, корани ок деб турса, у ахлоксизлик килган булади: оддий фукаро наздида биргина киши – прокурор-амалдор эмас, балки бутун жамият адолатсиз экан, деган тасаввур уйіонади. Бундай тасаввурларнинг мунтазам кучайиб бориши эса охир-окибат уша жамият ёки тузумни таназзулга олиб келади.
Албатта, хар учала ахлокий ходиса ва уларнинг зидди нисбийликка эга. Чунончи, хозиргина мисол келтиргнимиз прокурорнинг ахлоксизлиги даражаси билан уз якка хукмронлиги йулида миллионлаб бегунох инсонларни улимга махкум этган Ленин, Сталин, Хитлер, Пол Пот сингари шахслар ахлоксизлиги орасида фарк бор: агар прокурорнинг ахлоксизлиги бир миллат ёки мамлакат учун зарар килса, тоталитар тузум хукмдорлари хатти-харакатлари умумбашарий микёсдаги фожиаларга олиб келади.
Бу уринда шуни алохида таъкидлаш жоизки, ахлокий тарбия натижасида одоблилик – хушхулклиликка, хушхулклилик – юксак ахлокийликка айланган каби, ахлокий тарбия йулга куйилмаган жойда муайян шахс, вакти келиб, одобсизликдан – бадхулклиликка, бадхулклиликдан – ахлоксизликка утиши мумкин.
Шундай килиб, ахлокшунослик мазкур уч ахлокий ходисани бир-бири билан узвийликда ва нисбийликда урганади. Ана шу уч ахлокий ходисанинг умумлашмасини, яъни мазкур фанимизнинг предмети булган умумий тушунча сифатида ахлокни куйидагича таърифлаш мумкин:
Ахлок - барча одамлар учун бирдек тааллукли хисобланган, шахс хаётидаги хамма сохаларда узига ва узгаларга нисбатан куйиладиган маънавий-ижтимоий талаблар хамда эхтиёжларнинг муносабатлар шаклидаги куринишидан иборат булган, инсонга берилган ихтиёр эканлигининг хатти-харакатлар жараёнида ички ирода кучи томонидан окилона чекланишини такозо этувчи маънавий ходиса.
Шунингдек, атокли файласуф Эркин Юсуповнинг: «Умуман, ахлок ижтимоий муносабатлар заминида алохида шахс сифатида мавжуд булган инсонларнинг уз-узини идора килиш шакллари ва меъёри, узаро мулокот ва муносабатларда уларга хос булган маънавий камолот даражасининг намоён булишидир»-деган таърифи хам диккатга сазовордир¹.
Ахлокшунослик кадимда физика ва метафизика билан биргаликда фалсафанинг узвий (учинчи) кисми хисобланар эди. Кейинчалик (Арастудан сунг) алохида фалсафий йуналишдаги фан макомини олди. Бу фикрни куйидагича кенгайтириброк талкин этиш мумкин. Маълумки, фалсафанинг фанлар подшоси сифатида вазифаси барча табиий ва ижтимоий илмлар эришган ютуклардан умумий хулосалар чикариб, инсониятни хакикатга олиб боришдир. Шундан келиб чиккан холда фалсафанинг предметини тафаккур деб белгилаш максадга мувофик. Ахлокшунослик ахлокий тафаккур тараккиётини тадкик этади ва амалиётда инсонни эзгулик оркали хакикатга олиб боришга хизмат килади. Шу боис уни ахлок фалсафаси ёхуд эзгулик фалсафаси деб аташ мумкин.
Хозир у фалсафий фан сифатида уч йуналишда иш олиб боради, яъни ахлокий тафаккур тараккиётини тадкик этар экан, у ахлокни: 1) баён килади; 2) тушунтиради; 3) ургатади. Шунга кура, у тажрибавий-баёний, фалсафий-назарий ва русмий-меъёрий табиатга эга. Кадимгилар уни амалий фалсафа деб атаганлар. Зеро, соф назарий ахлокшуносликнинг булиши мумкин эмас. У инсоният уз тажрибаси оркали эришган донишмандлик намуналарини хикматлар, накллар, матал-маколлар тарзида баён этади, кишиларни ахлокий конун-коидаларга ургатади, уларга ахлокнинг мохиятини тушунтиради ва фалсафий хулосалар чикаради. Яъни ахлокшунослик фанида Афлотун, Арасту, Эпикур, Цицерон, Сенека, Августин, Форобий, Ибн Сино, Fаззолий, Насафий, Спиноза, Кант, Хегель, Шопенхауэр, Фойербах, Киркегард, Нитцше, Вл.Соловьёв, Лосский сингари буюк файласуфлар яратган ахлок назариясига доир таълимотлар билан биргаликда «Патанжали», «Кутадіу билик», «Кобуснома», Саъдийнинг «Гулистон», Жомийнинг «Бахористон», Навоийнинг «Махбуб ул-кулуб», Монтеннинг «Тажрибанома», Ларошфуконинг «Хикматлар», Гулханийнинг «Зарбулмасал» каби амалий ахлокка баіишланган асарлари хам уз мустахкам урнига эга. Ахлокшуносликнинг бошка фалсафий фанлардан фарки хам, узига хослиги хам ундаги назария билан амалиётнинг ана шундай омухталигидир.