Узбекистон Республикаси Олий ва ¤рта махсус таълим Вазирлиги

Программаларни блок-схемалар орқали ифодалаш.

Алгоритмлар нима эканлиги ва уларнинг қандай турлари мавжудлигини яхши билиб олдингиз. Эндиги муаммомиз алгоритмларни қандай қилиб ифодалаш масаласини хал қилишдир. Умуман айтганда алгоритмларни беш асосий усул орқали тасвирлаш ёки бериш мумкин:
Алгоритмларни сўз орқали ифодалаш – бу холда алгоритмнинг бажарувчиси учун бериладиган хар бир кўрсатма ёки буйруқ сўзлар воситаси билан берилади. Унинг асосий камчилиги – компьютерларнинг инсон сўзи маъносига тушунмаслигидир. Шунинг учун хозирча бу усул унчалик кўп ишлатилмайди.
Алгоритмнинг жадваллар кўринишида берилиши - ушбу усул реал хаётда кенг миқёсда ишлатилади. Масалан хилма-хил ўйинлар, лотореялар, математик, тригонометрик жадваллар, баланс хисоб китобларини амалга ошириш ва хакозоларни шулар жумласига киритишимиз мумкин.
Алгоритмнинг математик формулалар воситасида берилиши – бунда масаланинг ечилиши тегишли формулалар ёрдамида берилади ва бу усул математика, химия ва физика фанларида кенг миқёсда қўлланилади. Масалан тенгламаларни ечиш алгоритмлари, дифференциал ва интеграл хисоб усуллари буларга мисол бўлиши мумкин.
Алгоритмнинг компьютер дастури сифатида берилиши - бу усулда ечиладиган масаланинг алгоритми унинг бирор бир дастурлаш тилидаги программаси сифатида кўрилади. Албатта ушбу алгоритмни тушуниш учун шу дастурлаш тилини тўла тушуниш ва у бўйича етарли малакага эга бўлган мутахассис бўлиш керак. Бу хол алгоритмни бундай ифодаланиш усулининг асосий камчилигидир, чунки соха бўйича мутахассис алгоритмни тушуна олмайди ва унга тегишли бахо бера олмайди. Шунинг учун хам хаётда кўпроқ алгоритмларни график усулда – блок тасвирлар воситасида ифодалаш кенг миқёсда тарқалган.
Алгоритмнинг блок-тасвирлар кўринишида тасвирлашда оддий ва тушунарли геометрик тасвирлардан кенг фойдаланилади. Бундай тасвирлардан алгоритмик тилда ифодаланишга ўтиш жуда хам осон амалга оширилади. Ундан ташқари ушбу алгоритмни ифодаланиш усули барча соха мутахассисларига хам бирдай осон, тушунарли ва шаффоф бўлиши ишлаб чиқилган алгоритмларни текшириш ва уларга бахо беришда жуда қўл келади.
Шунинг учун хам алгоритмларни махсус блок тасвирлар орқали ифодалаш барча томонидан қабул қилинган. Алгоритм ишлаб чиқишнинг бошланғич босқичида алгоритмни ёзишнинг энг қулай усули алгоритмнинг блок-схемасидир. Алгоритмнинг блок-схемаси берилган алгоритмни амалга оширишдаги амаллар кетма-кетлигининг график тасвиридан иборат. Блок- схемада масалани ечиш босқичлари мос символлар: тўғри тўртбурчак, ромб, доира ва хоказолар билан тасвирланувчи алоҳида блоклар кўринишида берилади. Блок-схема символлари ичида ҳисоблашларнинг қандай амалга
оширилиши ва тегишли босқичлари кўрсатилади. Демак, алгоритм блок тасвири берилган алгоритмни амалга оширишдаги амаллар кетма- кетлигининг оддий тилдаги тасвирлаш элементлари билан тўлдирилган график тасвиридир. Алгоритмнинг хар бир қадами блок тасвирда бирор бир геометрик шакл ёки символ билан кўрсатилади. Алгоритм блок тасвирларини чизиш қоидалари ГОСТ 19.002-80 да акс эттирилган ва хар қандай блок тасвир чизаётганда ушбу қоидаларга риоя қилиниши керак. Бу стандарт халқаро ИСО 2636-73 га айнан мос келади. Яна бир давлат стандартида ГОСТ 19.003-80 (ИСО 1028-73) алгоритм ва дастурлар блок тасвирларида қўлланиладиган символлар руйхатини, бу символларнинг шакли ва ўлчамларини, шунингдек улар билан тасвирланадиган амалларни белгилаш меъёрлари аниқлаб қўйилган. Қуйида алгоритмлар блок тасвирларини ифодалашда кенг миқёсда қўлланиладиган блок тасвирлар белгилари келтирилади: