Узбекистон Республикаси Олий ва ¤рта махсус таълим Вазирлиги

Enter ва Return клавишалари босилиши холати параграфнинг охири деб қабул қилинади;

Табуляциянинг ички символлари матнни ёки жадвал устунларини текислаш учун ишлатилади. Page Maker дастурида устуннинг битта сатридаги табуляция символларининг сони 20 тадан ошмаслиги керак.

Сиз ишлатган шрифт ўрнатилган принтерда бўлмаган тақдирда Page Maker дастури ўша шрифтни эслаб қолади. Матнни чоп қилишда ўша шрифтга кўриниши яқин бўлган шрифт ишлатилади. Кейинчалик эса принтерни алмаштириб, керакли шрифт билан матнни босиб чиқариш мумкин. Матнларни кўпинча Page Maker дастурининг ўзида форматлаш қулай хисобланади.
Баъзи махсус символлар компьютер клавиатурасида бўлмаса, сиз уни Page Maker дастурида ёки Windows мухитидаги матн мухарририда киритишингиз мумкин. ANSI Windows символлар тўпламидаги ихтиёрий символ Alt клавишасини босиб турган холда 0 рақамини ва ANSI символининг кодини киритиш орқали амалга оширилади. Махсус символларга савдо маркасининг белгиси, муаллифлик хуқуқи белгиси, боблар ва параграфларни белгилаш символлари, очилган ва ёпилган қўштирноқлар, полиграфик тире ва миллий алифбонинг ўзига хос махсус белгилари киради. Агар ишлатилаётган матн мухарририда бу белгилар бўлмаса, уларга жой ташлаб кетишингиз ва оригинал макетни тайёрлаётган пайтда уларни Page Maker дастурида киритишингиз мумкин.
Page Maker дастури ишга тушгач янги хужжат тайёрлашга киришиш мумкин. Бунинг учун File - Файл менюсини очиб, New-Янги буйруғи танланади. Экранда Document Setup - Хужжат кўрсатгичлари деб номланган мулоқот дарчаси хосил бўлади. Бу дарча ёрдамида хужжат сахифаларининг сони, ўлчамининг қийматлари киритилади. Target Printer Resolution кўрсатгичи ёрдамида чоп этувчи қурилманинг турига қараб керакли бўлган қиймат ўрнатилади. Чоп этувчи қурилманинг турини нашр қилинадиган сахифани тайёрлашдан олдин аниқлаш мақсадга мувофиқдир. Бу ишни Document Setup мулоқот дарчасидаги Compose to Printer руйхати ёрдамида бажариш мумкин. Айрим холларда бундай қурилма лазерли принтер бўлиши мумкин. Лекин кўпчилик холларда юқори сифатли харф ва сурат терувчи автоматдан фойдаланилади. Чоп қилувчи қурилмани олдиндан аниқлаш Page Maker дастури учун керакли шрифт гарнитуралари аниқлаш ва ранглар учун
маълумот бериш учун хизмат қилади. Агар қурилма иш жараёни давомида ўзгартирилса, нашр қилинаётган сахифанинг умумий кўриниши ўзгариб кетиши мумкин. Мулоқот дарчасида Page Maker дастурининг хамма параметрларни ўрнатиб бўлгач ОК тугмачаси босилади ва экранда дастурга тегишли тоза сахифа хосил бўлади. Сахифага керакли маълумотлар ёзилганидан сўнг уни хотирада сақлаш учун File - Файл менюсидан Save ёки Save as буйруғи танлаб олинади. Кейинчалик хотирада сақланган хужжатни экранга чиқариш учун File - Файл менюсининг Open ёки Recent Publications имкониятларидан фойдаланишимиз мумкин. Хужжат билан ишлашни тугатгандан сўнг уни ёпиш учун File - Файл менюсининг Close имкониятидан фойдаланамиз.