Команды бўлимидан танланган менюнинг буйруқлари танланганидан сўнг, Новое сочетание клавиш деган бўлим танланиб, тугмачалар мажмуасидан ўзингизга қулай тугмачалар бирикмаси (Ctrl, Alt, Shift тугмачалари билан бир вақтда бошқа алфавитли ёки сонли тугмачалар) босилади. Масалан, юқоридаги расмда Ctrl тугмачаси билан бир вақтда O алфавитли тугмачаси хам босилган. Сўнг дарчадаги Назначить деган тугмачани босамиз. Шундан кейин, биз танлаб босган тугмачалар бирикмаси Текущие сочетания клавиш бўлимига Ctrl+O деган ёзув кўринишида ўтади (Масалан (Ctrl+O). Расмда кўриб турганимиздек, Файл менюсидан FileOpen (Открыть...) буйруғини тугмачалар мажмуаси ёрдамида бажариш учун Ctrl тугмачасини бир бармоғимиз билан босиб қўйиб юбормай туриб, иккинчи бармоғимиз билан Лотинча O тугмачасини босишимиз керак). Бу барча суҳбатли ойналарда керакли амалларни бажариб бўлганимиздан сўнг, танланган режимдан суҳбатли ойнадаги Закрыть тугмачасини сичқонча ёрдамида босиш билан чиқиб кетамиз.
Учинчи меню Параметры ёрдамида эса Асосий ойна меню ва Ускуналар панели гуруҳларининг кўриниши ва жойлашишини созлаш мумкин (9-расм).
Стандартная панель и панел форматирования в одной строке деб ёзилган сатрга белги қўйиш ва бу белгини олиб ташлаш мумкин (Бунинг учун ўнг томондаги белги қўйиладиган жойга сичқонча кўрсатгичи келтирилиб, сичқончанинг чап тугмачаси бир марта босилади). Белги қўйиладиган жойда белги бўлса, Стандарт ва Форматлаштириш асбоблар гуруҳи битта сатрга жойлашади. Агар ушбу белгини олиб ташласак, яна унинг олдинги ҳолатига келади, яъни улар иккита сатрга жойлашиб қолади.
9-расм. Созлаш (Настройка) суҳбатли ойнасининг Параметры менюси кўриниши
В меню сначала отображаются последние использованные команды деб ёзилган сатрда белги бўлса, Асосий ойна Менюси очилиши билан охирги ишлатилган буйруқлар кўринади, маълум вақтдан сўнг эса қолган барча буйруқлар рўйхати ҳам кўринади. Агар белгини олиб ташласак, Меню очилганда барча буйруқлар рўйхати бирданига кўринади. (Биз санаб ўтаётган ва ўзгартириш қилган амаллар барча Microsoft Office 2000 дастурлари учун бажарилади). Показывать полные меню после короткой задержки деб ёзилган сатрга белги қўйиш ёрдамида меню очилган пайтда охирги ишлатилган буйруқлар рўйхатини ва маълум вақтдан сўнг эса қолган барча буйруқлар рўйхатини кўриш мумкин. Агар белги олиб ташланса, охирги марта ишлатилган буйруқларгина кўринади, қолгани эса маълум вақтдан сўнг ҳам кўринмайди. Қолган буйруқлар рўйхатини кўриш учун, буйруқлар рўйхатининг пастидаги (10-расм) белгисини босиш керак бўлади. Сбрось ёрдамида матн билан ишлаётганда ускуналар панели учун ўрнатилган ҳолатларни рад қилиб, бошланғич ҳолатга келиш мумкин.
10-расм. Қисқарма менюнинг кўриниши.
Настройка ойнасининг Другие бўлагида мавжуд бўлган Крупные значки опцияси ёрдамида Асосий ойнадаги Ускуна (пиктограмма) ларнинг кўринишини катта қилиш ёки бу ишни бекор қилиш мумкин (Масалан, кўзи хирароқ кўрадиганлар учун).
Do'stlaringiz bilan baham: |