Узбекистон Республикаси кишлок ва сув хужалиги вазирлиги

7. Ердан фойдаланиш таркибида руй берадиган жорий ўзгаришларни аниқлаш.

Маълумки, ердан фойдаланиш чегарасидаги мавжуд ер турларининг майдонларида ҳар йили маълум ўзгаришлар юз бериб туради. Жумладан, ҳайдалма ерлар майдони камайиши ёки аксинча янги ерларни узлаштирилиши ҳисобига кўпайиши, кўп йиллик дарахтзорлар майдонларининг кенгайиши, яйлов ва пичанзорларнинг, аксинча, майдонларини камайиши, томорқа ерлари майдонини кўпайиши мумкин ва ҳакозо. Бундай ўзгаришлар қонуний ҳолдир, негаки аҳоли сонининг ошиб бориши, уларни ер майдонларига бўлган талабини ҳам купайтиради. Шу сабабли ҳам ер турларининг майдонлари доимо ўзгариб туради. Бундай ўзгаришлар ерларнинг жорий ҳисоби даврида аниқланиши ва ер ҳисоби ҳужжатларида ёритиб борилиши зарур.

Ер майдонлари таркибидаги бундай ўзгаришлар қуйидаги ҳолатлар натижасида рўй бериши мумкин:

• 
  жамоа, давлат ва бошқа мақсадлар учун ер ажратиш;
  
• 
  ердан фойдаланиш чегарасида мавжуд бўлган камчиликларни тугатилиши муносабати билан ер майдонларини қўшиб олиш ёки кесиб бериш;
  
• 
  бир ер турини иккинчисига ўтказиш;
  
• 
  янги ерларни суғориш;
  
• 
  хўжаликда янги қурилишлар ташкил этиш ва бошқалар.
  

Ҳар бир талабага шундай ўзгаришлардан бир нечтаси алоҳида – алоҳида тарзда берилади. Бундай ўзгаришлар ер ҳисоби харитасига туширилади, уларнинг натижалари эса қуйидаги шаклдаги (6-жадвал) махсус қайдномага туширилади.
6-жадвал

Ер турлари контурларини ва майдонларини ўзгариш қайдномаси

Ўзгаргунга қадар			Ўзгаргандан сўнг
Контур-лар	Ер тури-нинг номи	Майдони, га	Контур-лар	Ер тури-нинг номи	Майдони, га