ЎҚув-услубий мажмуа фарғона 20

Мажбурий суғурта – суғурта шаклларидан бири бўлиб, унда суғурталовчи ва суғурталанувчилар ўртасида суғурта муносабатлари қонун кучида юзага келади.
Полис (Policy) – суғурта шартномасининг ҳуқуқий тасдиғи.
Пул (Pool) – Йирик ва хавфли рискларни биргаликда суғурталаш учун бир нечта суғурта компанияларини бирлашуви. Рискни қабул қилиб олувчи компания, пулга аъзо суғурталовчилар номидан ягона полис беради.
Суғурта – кўрилиши мумкин бўлган зарарларни манфаатдор жисмоний ва юридик шахслар ўртасида қоплаш.
Суғурта агенти – суғурта ташкилотининг унинг номидан ва унинг топшириғи билан шартномалар тузувчи штатсиз ходими.
Суғурта бадали (мукофоти) – суғурта суммасига нисбатан белгиланган суғурта тарифи бўйича пул тўлови.
Суғурта бозори – суғурта хизматлари олди-сотдиси бўйича иқтисодий муносабатлар тизими.
Суғурта брокери ёки маклери - юридик шахс бўлиб, улар суғурталанувчи учун суғурта компаниясини унинг операцияларини молиявий барқарорлиги, суғурта шартларини суғурталанувчи учун қулайлиги ва бошқа омиллардан келиб чиқиб танлашдаги маслаҳатчи.
Суғурта гувоҳномаси (полиси) – суғурта амалга оширилганлигини тасдиқловчи ҳужжат.
Суғурта қилдирувчи – суғурта бадалларини тўловчи ва конкрет суғурта муносабатларида қатнашувчи жисмоний ёки юридик шахс.
Суғурта қопламаси – зарарни қоплаш учун тўланадиган тўловлар суммаси бўлиб, у ҳар бир ҳолат ва суғурта шартномаси шартларидан келиб чиқиб, суғурта суммасига тенг ёки ундан кам бўлади.
Суғурта масъулияти – суғурталовчининг суғурта ҳолатлари рўй берганда суғурта қопламалари ёки суғурта суммаларини тўлаш бўйича мажбурияти.
Суғурта объекти ва предметлари – суғурталашга тегишли бўлган моддий қийматликлар, инсон ҳаёти, соғлиги, меҳнатга лаёқати, жавобгарликлар ва масъулиятлар.
Суғурта тарифи – суғурта суммасига нисбатан фоиз ставкаси.
Суғурта ҳимояси – конкрет объект томонидан кўрилган зарарни бартараф қилиш ёки қоплаш бўйича муносабатлар.