ЎҚув-услубий мажмуа фарғона 20

Суғурта гувоҳномаси (полиси) – суғурта амалга оширилганлигини тасдиқловчи ҳужжат.
Суғурта фонди – суғурта бадаллари ҳисобидан шакллантириладиган ҳамда суғурта ҳолати натижасида суғурталанувчининг кўрадиган зарарини олдини олиш, локализация қилиш ва қоплашга мўлжалланган суғурта резервлари йиғиндиси.
Суғурта тарифи – суғурта суммасига нисбатан фоиз ставкаси.
Суғурта бадали (мукофоти) – суғурта суммасига нисбатан белгиланган суғурта тарифи бўйича пул тўлови.
Суғурта муддати – суғурта объектининг суғурталанган даври.
Суғурта ҳолати – суғурта қопламаси ёки суғурта суммаси тўланиши керак бўлган турли салбий ва бошқа келишилган оқибатларга олиб келувчи ҳақиқатда содир бўлган ҳолатлар.
Суғурта далолатномаси – ўрнатилган тартибда расмийлаштириладиган ва содир бўлган суғурта ҳолатини ҳамда сабабларини тасдиқловчи ҳужжат.
Суғурта портфели – суғурта компанияси томонидан олинган бадаллар йиғиндиси ёки тузилган ва тўланган шартномалар сони.
Суғурта қоидалари – ихтиёрий суғурта шартларини белгиловчи меъёрий ҳужжатлардан бири.
Абандон (фр.Abandon) – суғурталанувчининг тўла суғурта суммасини олгандан сўнг суғурталовчи фойдасига суғурталанган объектга нисбатан ҳуқуқлардан воз кечиш.
Авуар (фр.Avoir) – «активлар»нинг синоними (пул маблағлари, векселлар, аккредитивлар, қимматли қоғозлар, банкдаги ҳисоблар ва б.) – суғурта балансининг бир қисми.
Аддендум (лат.Addere) – расмийлаштирилган шартномага қўшимчалар киритиш.
Аквизитор (лат.Acquisitor) – янги суғурталанувчиларни жалб қилиш билан шуғулланувчи суғурта агенти ёки брокери.
Андеррайтер (Underwriter) – суғурта компанияси ёки синдикат томонидан суғурта таваккалчилигини олиш ваколати берилган шахс.
Полис (Policy) – суғурта шартномасининг ҳуқуқий тасдиғи.
Пул (Pool) – Йирик ва хавфли рискларни биргаликда суғурталаш учун бир нечта суғурта компанияларини бирлашуви. Рискни қабул қилиб олувчи компания, пулга аъзо суғурталовчилар номидан ягона полис беради.