ЎҚув-услубий мажмуа фарғона 20

Суғурта суммаси – суғурта объектини ҳақиқатда суғурталанган қисмининг пул кўринишидаги қиймати.
Суғурта тарифи ёки тариф ставкаси - суғурталанувчиларнинг суғурта суммаси ёки суғурта объекти бирлигига нисбатан пул тўлови, ёҳуд суғурта суммалари йиғиндисига нисбатан фоиз ставкаси.
Суғурта ҳолати – суғурта қопламаси ёки суғурта суммаси тўланиши керак бўлган турли салбий ва бошқа келишилган оқибатларга олиб келувчи ҳақиқатда содир бўлган ҳолатлар.
Тариф сиёсати - тариф ставкасини ишлаб чиқиш ва асослаш жараёни.
Ўлим кўрсаткичи жадвали –ўлим кўрсаткичи натижасида туғилувчиларнинг айрим йиғиндисини ёши бўйича камайишини кўрсатувчи ўзаро алоқадор катталикларнинг тартибга солинган қатори.

Суғурта – кўрилиши мумкин бўлган зарарларни манфаатдор жисмоний ва юридик шахслар ўртасида қоплаш.
Суғурта бозори – суғурта хизматлари олди-сотдиси бўйича иқтисодий муносабатлар тизими.
Суғурта суммаси – суғурта объектини ҳақиқатда суғурталанган қисмининг пул кўринишидаги қиймати.
Суғурта шартномаси – суғурталовчи ва суғурталанувчи ўртасидаги суғурта тури шартларига мос равишда уларнинг ўзаро мажбуриятларини тартибга солувчи келишув (ҳуқуқий битм).
Суғурта лимити – моддий қийматликлар ва суғуртавий масъулиятларни суғурталаш мумкин бўлган максимал пул суммаси.
Суғурта ҳимояси – конкрет объект томонидан кўрилган зарарни бартараф қилиш ёки қоплаш бўйича муносабатлар.
Суғурталовчи – суғуртани амалга оширувчи ихтисослаштирилган ташкилот.
Суғурта қилдирувчи – суғурта бадалларини тўловчи ва конкрет суғурта муносабатларида қатнашувчи жисмоний ёки юридик шахс.
Суғурталанувчи – ҳаёти, соғлиги ёки меҳнатга лаёқати суғурта объекти бўлган шахс.
Суғурта объекти ва предметлари – суғурталашга тегишли бўлган моддий қийматликлар, инсон ҳаёти, соғлиги, меҳнатга лаёқати, жавобгарликлар ва масъулиятлар.
Суғурта масъулияти – суғурталовчининг суғурта ҳолатлари рўй берганда суғурта қопламалари ёки суғурта суммаларини тўлаш бўйича мажбурияти.