Ўқув қулланма Тошкент 2011 йил

Назорат саволлари

1. 
   Симсиз алоқа тизимларининг қисқача ривожланиш тариҳини баён этинг.
   
2. 
   Рақамли ва аналог, тор полосали ва кенг полосали технологиялар қандай фарқланади?
   
3. 
   Алоқанинг узоқлиги бўйича симсиз алоқа тизимларини синфларга бўлинг.
   
4. 
   Тармоқларнинг топологияси бўйича симсиз алоқа тизимларини синфларга бўлинг.
   
5. 
   Қўлланилиши бўйича симсиз алоқа тизимларини синфларга бўлинг.
   
6. 
   Wi-Fi тизимларига умумий тавсиф беринг.
   
7. 
   Wi-Fi тизимларининг қисқача ривожланиш тариҳини баён этинг.
   
8. 
   Wi-Fi тармоқларининг асосий элементлари ва ишлаш принципи қандай?
   
9. 
   Wi-Fi тизимларининг асосий афзалликлари нимада?
   
10. 
    Wi-Fi тизимларининг асосий камчиликлари нимада?
    
11. 
    Wi-Fi тизимларида хавфсизлик қандай таъминланади?
    
12. 
    Дунёдаги Wi-Fi тижорий тармоқларига мисоллар келтиринг.
    
13. 
    Wi-Fi нотижорий тармоқлари қандай принциплар асосида қурилади?
    

5 - боб. WiMAX - КЕНГ ПОЛОСАЛИ СИМСИЗ УЛАНИШ ТЕХНОЛОГИЯСИ

5.1. WiMAX технологияси ҳақида умумий тушунчалар

Ҳозирги кунда кенг полосали симсиз алоқа тизимлари инсон ҳаёти фаолиятининг барча соҳаларига кириб бормоқда ва бутун дунёда: ривожланган давлатларда ҳам, ривожланаётган давлатларда ҳам инсонларнинг яшаш сифатини оширишга хизмат қилмоқда. Ушбу тизимлар ёрдамида турли хил вазифаларни ечиш мумкин: мультимедиа, интерактив ва персонал контентларга тезкор ва қулай уланиш, анъанавий нутқ алоқасини таъминлаш ёки маҳаллий ва глобал жамоалар доирасида ахборот алмашинувини амалга ошириш мумкин. IEEE 802.16 (қўпроқ, WiMAX сифатида маълум бўлган) стандартлар оиласи деб номланган кенг полосали симсиз алоқа тизимлари IMS (янги авлод IP га асосланган мультимэдия нимтизимлари) асосида кенг полосали тармоқлар учун яратилган хизматлар ҳамда тезкор Интернет каналларини ташкил этиш воситалари билан биргаликда фойдаланувчиларга (хусусан Интернетдан) кенг полосали симсиз уланишнинг принципиал янги имкониятларини таклиф этади.

IEEE 802.16 стандартини пайдо бўлгунича Интернетга уланиш анча турғун бўлган, яьни фойдаланувчи иш жойидаги компьютерга ёки жуда бўлмаганда Wi-Fi уланиш нуқтаси доирасидаги ноутбукка боғлиқ бўлган. WiMAX тизимлари кенг полосали тармоқларга ва Интернетга уланишни янада мобил, янада оммабоп ва янада кенг тарқалган қилмоқда. Буни учун турғун, кўчма ва мобил абонентларга хизмат курсатадиган кенг полосали симсиз тармоқлар яратилмоқда. Шундай қилиб, Интернет ва унинг барча иловаларига, яъни ахборотлар, хизматлар ва алоқага ҳар доим ва ҳамма ерда уланиш муҳити шакллантирилмоқда. Бунда WiMAX тизимларига катта масъулият ажратилмоқда.