Ўқув қулланма Тошкент 2011 йил

3.5.4. Спектрга бўлажак талаблар

М.2078-сонли ITU-R хисоботи IMT-2000 тизимлари ва кейинги IMT-Advanced дастурини ривожланиши учун спектрга бўлажак талабларни ўз ичига олади. Бу хисоботга мувофиқ 2020 йилга келиб ҲТИ нинг барча ҳудудларида 500MGs дан 1GGs гача кенгликдаги полосаларни ажратиш зарур бўлади. Бу хисоботда тахмин қилинадики, 2010 йилда Европада трафик ҳажми 2008 йилдаги кўрсаткичларга нисбатан 2 - 3 мартагача ортган ва 2015 йилга келиб IMT хизматларини ривожлантириш учун ажратилган частоталар полосаси етишмайди. Бозор эса бу вақтга келиб кенг полосали хизматларни тақдим этиш бўйича тармоқларнинг янада катта имкониятларини талаб қилади. Шунга кўра, 2007 йилдаги БРК нинг (БРК-2007) бош масалаларидан бири сифатида ишлаб чиқариш ҳажми ҳисобига тежаш учун «глобал роуминг» ва ускуналарни стандартлаштириш талабларини ҳисобга олган ҳолда, қўшимча, халқаро миқёсда гармонизацияланган полосаларни аниқлаш бўлди. Натижада, БРК-2007 IMT тизимларини (IMT-2000 ва IMT-Advanced) ривожлантириш учун бутун дунё даражасида 2300-2400MGs ва 450-470MGs полосаларини, шунингдек турли минтақалар ва давлатлар даражасида уларнинг ўзига хосликларини ҳисобга олган ҳолда 698-862MGs ва 3400-3600MGs полосалари ёки полосалар қисмларини ажратди. Бу 3.44-расмда келтирилган.

3.44-расм. Дунёнинг турли ҳудудларида LTE тармоқларини қуриш учун БРК-07 аниқлаган частоталар полосалари

Шундай қилиб, БРК-07 LTE тармоқларини бўлажак ривожлантириш учун зарур частота полосаларини бўшатиш ва тайёрлашга улкан қадамлар қўйди. Хусусан, мобил радиохизматлар учун 698-806MGs полосасидаги спектрни бўшатиш жараёни бошланди. Кейинги қадам бутун дунё бўйлаб миллий ёки регионал даражаларда гармонизация мақсадида РЧС нинг тақсимланишини тизимлаштириш бўйича алоҳида давлатлар билан ишлаш бўлади. Сўнг радиочастота спектрини тақсимлашни глобал даражада гармонизациялаш устида ишлар олиб борилади. Шуни ҳам таъкидлаймизки, ҳозирги вақтда ишлатилаётган радиочастота полосаларининг қайта тақсимланиши билан бирга янги поосалар ажратилиши бу LTE истиқболли тармоқларини муваффақиятли қуриш йўлида мухим омиллардир. LTE тизимлар ускуналарининг характеристикаларини ва функционал имкониятларини такомиллаштирилиши ишлаб чиқаришнинг ортиши ҳисобига тежамларга олиб келади ва мобил алоқа тизимларининг ривожланишида янги уфқларни очади. Бу жараёнда бозорда LTE нинг функционал ва қиммат бўлмаган абонент ва инфратузилма ускуналарини тезроқ пайдо бўлиши муҳим аҳамиятга эга бўлади.