Ўқув қулланма Тошкент 2011 йил

3.5. LTE тизимлари учун радиотчастота спектри

3.5.1. Масаланинг долзарблиги

Радиотчастота спектри (РЧС) ҳар бир давлатнинг қимматбаҳо ва чекланган ресурс(маблағ)и ҳисобланади ва ҳозирги кунда ундан фойдаланишга талаб борган сари ортиб бормоқда. Бунга симсиз алоқа тизимлари хизматларининг яхшиланган шаклда кенг тарқалиши ва оммавийлигининг ортиши, хизматлар ва ускуналар ҳаражатларининг қисқариши ва фойдаланишдаги қулайлиги ёрдам бермоқда. Бунинг эвазига мавжуд ва янги симсиз кенг полосали тармоқлар мавжуд радиочастоталар ресурсларини тезда ўзлаштириб олиб, янги частоталарга мухтож бўлишлари кутилмоқда.
Сўнгги йилларда симсиз алоқа саноати товушли алоқа ва маълумот узатиш хизматларига фойдаланувчилар талабларининг кескин ортишини бошидан кечирмоқда. Тез ўсаётган мобил алоқа абонентлари сони ва хизматлардан фойдаланиш ҳажмининг ортиши туфайли операторлар илғор технологияларни жорий этиш, юқори сифатли мавжуд алоқа хизматларини ва маълумот узатишнинг инновацион хизматларини тақдим этиш ҳисобига ўз тармоқларини такомиллаштиришга мажбур бўлмоқдалар. Одатда радиочастота спектрини бошқариш масаласи жуда мураккаб ҳисобланади. Аммо сўнгги йилларда юзага келган анъананинг ўзгариши кузатилмоқда ва РЧС ни бошқариш жараёни технологияларга боғлиқ бўлмаган ҳолда мослашувчанроқ бўлиб бормоқда ва охир-оқибатда операторларга бозор талабларини яхшироқ қондиришга имкон бермоқда. Алоқа операторлари ва ускуна етказиб берувчилар инновацион ечимларни, шу жумладан, қўлланадиган радиочастота спектрининг самарадорлигини яхшилайдиган таклифларни илгари сурмоқдалар. Лекин бунда янги симсиз алоқа технологиялари (WiМАХ кабилар) пайдо бўлмоқда ва улар ҳам спектр ажратилишига даъвогарлик қилиб, жаҳоннинг барча минтақаларида радиочастота тақсимлаш масаласини янада кескинлаштирмоқда.

3.5.2. LTE тизимлари учун потенциал спектр

Юқорида баён этилганидек, 3GРР лойиҳаси томонидан LTE стандартини ишлаб чиқиш масалалари асосан 2008 йилда якунланган ва биринчи LTE тижорат тармоқлари 2009 йилнинг охири ва 2010 йилнинг бошларида қурила бошлаган. 3.43-расмда дунёнинг турли минтақаларида LTE тармоқларини қуриш учун кўзда тутилган частоталар полосаси келтирилган. Бироқ бу сўнгги тақсимлаш эмас ва келажакда баъзи ўзгартиришлар эҳтимоли ҳам бор.

3.43-расм. LTE тармоқларини қуриш учун эҳтимолий частота полосалари

Қуйидаги параграфларда мазкур частоталар полосаларининг холатларини минтақавий кесимда диапазонлар бўйича атрофлича кўриб чиқилган.