Ўқув қулланма Тошкент 2011 йил

3.5.5. Ўзбекистонда 4G технологияларини ривожлантириш учун РЧС ҳолати

Шуни қувонч билан таъкидлашимиз мумкинки, Ўзбекистон LTE тармоғини тижорат мақсадида ишга туширган МДҲ даги биринчи ва дунёдаги учинчи давлат бўлди. 2010 йил 28 июлда мамлакатда биринчи LTE тармоғини ишга туширганлигини ҳақида “МТС-Ўзбекистон” компанияси хабар қилди. Дастлаб тармоқ 2600MGs диапазонидаги полосадан фойдаланади, кейинчалик 700MGs ва 800MGs диапазонларидаги полосалардан фойдаланиш кўзда тутилган. “МТС-Ўзбекистон” тармоғи 100Mbit/sekгача тезликда маълумот узатиш хизматларини тақдим этиш учун мўлжалланган. Компания 2015 йилга келиб бутун Ўзбекистон бўйлаб тармоқ қамровини тарқатишни режалаштирилган. Тизим ускуналарини Хитойнинг Huawei Technologies компанияси етказиб берди.
Кечроқ, 2010 йил 29 августида Ўзбекистоннинг иккинчи оператори - Ucell компанияси ўзининг LTE тармоғини ишга туширганлиги ҳақида расмий эълон қилди. У ҳам 100Mbit/sekгача тезликда мобил кенг полосали уланиш хизматларини тақдим этишини маълум қилди. Тармоқ 2,6GGs частота диапазонида қурилмоқда ва кейинчалик 700MGs диапазонида ҳам полосалар олиш кўзда тутилган. Ucell компанияси LTE тармоғини жаҳонда биринчи бўлиб 2009 йилнинг декабрида Стокгольм (Швеция) ва Осло (Норвегия) шаҳарларида ишга туширган Telia Sonera корпорациясининг “қиз” компанияларидан бири ҳисобланади. Ўзбекистонда Ucell компанияси учун таянч ускуналарни Хитойнинг ZTE корпорацияси етказиб берди.


3.5.5.1. Рақамли дивиденд

Рақамли ер сирти узатиш хизматини 174-230MGs ва 470-862MGs полосаларида режалаштириш бўйича Регионал битимга (“Женева-06 режаси”) ва унга боғлиқ рақамли ва аналог режаларга мувофиқ Ўзбекистон қуйидаги ажратишларга эга:

• 
  “Женева-06” режасининг рақамли қисми ҳисобланган рақамли ТВ учун 817 та частота ажратишлар, шу жумладан диапазонлар бўйича: