ЎҚув методика маркази

4-машғулот
Мавзу: “H” товушини тўғри талаффуз қилиш
Мақсад:
“H” товушининг тўғри талаффузини мустаҳкамлаш.
Вазифалар:
“H” товушини ўрни аниқлаш: сўз боши, ўртаси ва охирида келишини айтиш,сўзларни бўғинларга ажратиш, “H” товушини эшитиб фарқлашга ўргатиш, “H” товушли сўзлар билан болалар нутқини бойитиш.
Кутилаётган натижалар:
“H” товушининг ундош товуш эканлигини, унинг сўз боши, ўртаси ва охирида келишини билиб оладилар.
“H” товушли сўзлар айта оладилар.
Керакли жиҳозлар:
“H” товуши бор суратлар
“Бўғинлардан сўз тузинг» таълимий ўйин учун материаллар
Машғулотнинг бориши:
Тарбиячи: бугун болалар “H” товуши ҳақида суҳбатлашамиз. “H” товушини талаффуз қилганимизда, лаблар бир оз очиқ, ҳаракатсиз, тишлар бир-бирига яқинлашган, аммо бирикмайди. “H” ундош товуш. Товушни эшитамиз, талаффуз қиламиз.Диққат билан эшитинг “H” товушини талаффуз қилганимда чапак чаласиз.
- “H”, “r”, “l”, “H”, “a”, “o”, “u”, “H”, “sh”, “z”, “H” …..
- “H” товушига оид сўзлар топишга ҳаракат қиламиз: ҳайкал, ҳасса, ҳандалак, ҳакка, тимсоҳ (болалар қийналсалар расм кўрсатиш мумкин)
- Айтилган сўзлардаги “H” товушини ўрнини аниқлаймиз.
Мен айтаман, сиз аниқлайсиз: has-sa Мен шу сўзни қайта айтаман, сиз биринчи товушни айтасиз: h-h-has-sa, Демак, has-sa сўзида “H” товуши сўзнинг бошида келяпти; мен бошқа сўзни айтаман, сиз “H” товушини ўрнини аниқланг: mo-hir, демак, mo-hir сўзида “H” товуши сўзнинг ўртасида келяпти.Мен бошқа сўз айтаман диққат билан эшитинг: tim-soh демак, tim-soh сўзида“H” товуши сўзнинг охирида келяпти.
Энди ўзингиз мустақил “H” товуши иштирок этган сўзларни топинг ва ўрнини аниқлашга ҳаракат қилинг. Болалар айтган сўзларини чапак чалиш орқали бўғинларга бўладилар.(ҳумо, ҳандалак, ҳайкал, Ҳасан, Тоҳир)