ЎҚув методика маркази

Болалар билимини текшириш ва мустаҳкамлаш учун саволлар
-Бугун болалар, қайси товуши иштирок этган расмларни номладик ва улар ҳақида гап туздик?
-Нечта сўздан иборат гаплар туздик?
-Қайси сўзда “F” товуши сўзнинг бошида келди?
-Қайси сўзда “F” товуши сўзнинг ўртасида келди?
-Қайси сўзда “F” товуши сўзнинг охирида келди?


3-машғулот
Мавзу: Махмуд Тўйчиевнинг “Зарғалдоқ” ҳикоясини қайта ҳикоя қилишга ўргатиш
Мақсад:
Асарни мазмунли, мантиқий изчилликда ҳикоя қилишга ўргатиш.
Вазифалар:
Болаларнинг боғланган нутқини ривожлантириш.Сўзлаётганда тўғри нафас олишни ривожлантириш.“Z” товушни аниқ ва тўғри талаффуз этиш.
Болаларда ифодали нутқни тарбиялаш.
Кутилаётган натижалар:
Болаларнинг боғланган нутқи ривожланади.
Болаларнинг асарни қайта ҳикоя қилиш малакаси ошади.
Керакли жиҳозлар:
Асар мазмуни асосида расмлар
Машғулотнинг бориши
Тарбиячи: Болалар, бугун мен сизга зарғалдоқ полопонларини асаларилар қандай қилиб қутқаргани ҳақида ҳикояни ўқиб бераман. Диққат билан эшитинг. Бу ҳикояни Махмуд Тўйчиев ёзган.
Тарбиячи ҳикояни ифодали қилиб ўқиб беради.
Зарғалдоқ .
Зарғалдоқ асаларилар уясидан бир метрча баланддаги инига қўнди. Кейин нолиш қилиб тепамизда айланди, бесаранжомлик билан яна инига қайтди. Биз нега бундай қилаётганини билиш учун дарахт атрофини кузатдик. Бир қора илон дарахтга чирмашиб юқорига ўрмаларди. Биз нима қилишимизни билмай қолдик... Зарғалдоқнинг ноласи кучайди.
Шу пайт кутилмаган воқеа юз берди. Бирдан асаларилар илонга ёпирилишди. Илон дарахтдан қулаб тушди.
Зарғалдоқ асаларилардан миннатдор бўлгандек, дарахт шохида “био-био”ларди.
Ҳикоя бўйича саволлар:
1. Зарғалдоқ нима учун бесаранжомлик билан нолиш қилди?
2. Кутилмаганда қандай воқеа юз берди?
3. Зарғалдоқ асалариларига ўз миннатдорчилигини қандай изҳор этди?
Тарбиячи ҳикояни яна бир марта ўқиб беради. Сўнгра 5-6 бола ҳикоя қилади.