ЎҚув методика маркази

Амалий машқ
“Расмларни номланг” машқи
Болаларга олдиларидаги расмларни номлаш ва “F” товушини тўғри талаффуз қилиш, сўзни бўғинга бўлиш каби топшириқлар берилади. Болалар сўзда неча бўғин бўлса , шунча марта чапак чаладилар.
Болалар билимини текшириш ва мустаҳкамлаш учун саволлар :
- Бугун қайси товуш билан танишдик?
-У қандай товуш экан?
-Бу товушни нима қиламиз?
- Биз товушларни нима учун ўрганамиз?"
“F” товуши иштирок этган сўзларни айтинг.
8-машғулот
Мавзу: Яшар Хондамирнинг “Қалам” ҳикоясини қайта ҳикоя қилдириш
Мақсад:
Асарни қайта ҳикоя қилиш малакасини ўстиришни давом эттириш. Вазифалар:
Болаларнинг боғланган нутқини ривожлантириш. Сўзлаётганда тўғри нафас олишни ривожлантириш. Сўзларни аниқ ва бурро айтиш.
Кутилаётган натижалар:
Болаларнинг боғланган нутқи ривожланади.
Болалар мантиқий ривожланиб борувчи ҳикоя тузишни ўрганадилар.
Керакли жиҳозлар:
Ҳикояга мос расм
Машғулотнинг бориши
Тарбиячи: Болалар, сиз тўғри сўзнинг сеҳри борлигини биласизми?
Ҳозир мен ўқиб бермоқчи бўлган ҳикояда рост гапириш яхшиликка элтиши ҳақида ёзилган. Ҳикояни диққат билан эшитсангиз, рост сўзнинг сеҳри қандай яхшиликлар олиб келишини билиб оласиз.
Тарбиячи ҳикояни ифодали қилиб ўқиб беради. Ҳикоя бўйича саволлар:
1. Ҳикоя нима ҳақида экан?
2. Жалол нима йўқотиб қўйди?
3. Йўловчи киши Жалолдан нима деб сўрабди?
4. Жалол нима деб жавоб берди?
5. Йўловчи киши нима учун Жалолга қалам совға қилди?
6. Тўғри сўзлаш инсонни нимага элтар экан?
Савол-жавобдан сўнг тарбиячи ҳикояни яна бир марта ўқиб беради
Қалам
Яшар Хондамир
Жалол бир куни қаламини йўқотиб қўйди.Йўл четига ўтириб йиғлар эди. Бир раҳмдил киши Жалолдан нега йиғлаётганини суриштирди. Сўнгра чўнтагидан бир қалам олиб:
-Йўқотган қаламинг бу эмасми?-дея сўради.
Жалол эса ҳиқиллаб:
-Йўқ, менинг қаламим бунчалик чиройли эмас эди,-деди.
Ҳалиги киши Жалолнинг ростгўйлигини ёқтириб қолди.
-Ундай бўлса, тўғри гапирганинг учун бу қаламни сенга совға қилмоқчиман. Ма, ол,-деб қаламни унга берди.
Ҳисса: тўғри сўзлаш инсонни яхшиликка элтади.
(5-6 боланинг ҳикояси тингланади).
Машғулот якунида болаларни рағбатлантириш.