ЎҚув методика маркази

Болалар билимини текшириш ва мустаҳкамлаш учун саволлар
-Бугун болалар, қайси товуши иштирок этган расмларни номладик ва улар ҳақида гап туздик?
-Нечта сўздан иборат гаплар туздик?
-Қайси сўзда “H” товуши сўзнинг бошида келди?
-Қайси сўзда “H” товуши сўзнинг ўртасида келди?
-Қайси сўзда “H” товуши сўзнинг охирида келди?
7-машғулот
Мавзу: Жамоа ҳаётидан ҳикоя тузиш: “Гулзорларимиздаги гулларни қандай етиштирдик?”
Мақсад:
Тарбиячининг режаси бўйича болаларнинг мантиқий ривожланиб борувчи ҳикоя тузиш қобилиятларини ривожлантириш.
Вазифалар:
Болаларнинг боғланган нутқини ривожлантириш. Сўзлаётганда тўғри нафас олишни ривожлантириш.Товушларни сўзларда аниқ айтиш.Болаларни мазмунли суратлар билан ўйин жараёнида тўлиқ жумлалар тузишларига эришиш.Гулларнинг номларини нутқда фаоллаштириш.
Кутилаётган натижалар:
Болаларнинг боғланган нутқи ривожланади.
Болалар мантиқий ривожланиб борувчи ҳикоя тузишни ўрганадилар.
Керакли жиҳозлар:
Тарқатма жиҳоз сифатида дала ва гулзор суратлари
Машғулотнинг бориши. Тарбиячи: болалар, кеча биз қаерда меҳнат қилдик? Нима учун гулзор деяпмиз? Қандай ишлар бажардик?
– Ҳозир биз “Гулзоримиздаги гулларни қандай етиштирдик” мавзусида ҳикоя тузишни ўрганамиз. Бунинг учун аввал бошдан қилган ишларимизни эслаб олишимиз керак (Тарбиячи саволларни қисмларга бўлиб беради).
1-қисм.
1. Гулзорда қандай ишлар қилган эдик? (ер тайёрладик, чопдик, юмшатдик).
2. Ерни нималар билан юмшатдик? (кетмонда).
3. Нима ишлар қилдик? (ариқ олдик).
Тарбиячи: Биринчи қисмнинг жавобларини умумлаштириб, иккинчи қисмнинг саволларини беради ва қатнашмаган болалардан жавоб олади.
2-қисм.
1. Қандай гулларни эккан эдик?
2. Қайси гулнинг уруғини сепган эдик?
3. Гулларни қандай парвариш қилдик?
4. Кўчатларни қандай эккан эдик?
5. Қандай ўзгаришларни кўрдик?
Иккинчи қисмнинг савол-жавобларини умумлаштириб, учинчи қисм саволларини беради ва қатнашмаган болалардан жавоб олади.
3-қисм.
1. Ҳозир гулларимиз қандай кўринишда?
2. Қайси гуллар очилиб ётибди?
3. Уларни парвариш қилишни қандай давом эттиряпмиз?
- Энди мавзу бўйича ким умумий қилиб гапириб беради? (3-4 бола чиқиб, “Гулзоримиздаги гулларни қандай етиштирдик” мавзусида ҳикояни навбат билан гапириб берадилар).