ЎҚув методика маркази

2-машғулот
Мавзу: расмларни номлаш (F товуши) ва улар иштирокида гап тузиш
Мақсад: Расмларни номлаганда сўздаги ҳар бир товушни тўғри талаффуз қилиш. Болаларга берилган расмлар асосида мустақил гап тузишга ўргатиш. Сўзлар гапда боғланиши ҳақида тушунчаларини мустаҳкамлаш.Сўзларни бўғинларга бўлиш.
Вазифалар:
Расмлар орқали гап ҳақида тушунчаларини мустаҳкамлаш, луғатни фаоллаштириш.
Боғланишли нутқ—гап тузиш кўникмаларини шакллантириш.
Нутқнинг ифодалилигини тарбиялаш.
Гапни сўзларга бўлишга ўргатиш.
Кутилаётган натижалар:
Расмлар асосида гап тузишга ўрганадилар.
Грамматик жиҳатдан тўғри сўзлашга интилади
Керакли жиҳозлар:
Турли мавзуларда расмлар
Машғулотнинг бориши. Тарбиячи: Бугун болалар, сиз билан “F” товуши иштирок этган расмларни кўрамиз, улар ҳақида гап тузамиз.
-Бу қандай ҳайвон (фил)
-Мен фил ҳақида гап туздим. “Циркда фил кўрдим.”
-Сиз фил ҳақида қандай гап тузган бўлар эдингиз?
(Болалар жавоблари: Ҳайвонот боғида фил кўрдим; мен фил ясадим... )
-Баракалла, болалар, ҳозир мен сизга расмлар тарқатаман. Сиз расмга қараб гап тузасиз. Тузган гапингизда “F” товуши кўпроқ учрашига ҳаракат қилинг.
Тарбиячи: - Шаҳзода, сенда қандай расм бор, номла.
Шаҳзода:-менда туфли расми бор.
Тарбиячи: туфли сўзида “F” товуши сўзнинг қаерида келяпти?
Шаҳзода: туфли сўзида “F” товуши сўзнинг ўртасида келяпти.
Тарбиячи: туфли сўзини бўғинга бўл.
Шаҳзода: туф-ли
Тарбиячи:- туф-ли сўзи неча бўғин экан?
Шаҳзода: туф-ли сўзи икки бўғин экан
Тарбиячи:- туфли ҳақида қандай гап туздинг?
Шаҳзода: - Фотимада чиройли туфли бор.
Тарбиячи: тузган гапингда нечта сўз бор?
Шаҳзода: - тўртта
Тарбиячи: -қандай сўзлар?
Шаҳзода: - “Фотимада”, “чиройли”, “туфли”, “бор”
Тарбиячи: -тўғри, Шаҳзода тўртта сўздан иборат гап тузди. Фотимада чиройли туфли бор. Гапда “Фотимада” биринчи сўз, “чиройли” иккинчи сўз, “туфли” учинчи сўз, “бор” тўртинчи сўз.
Тарбиячи шу тариқа болалардан “F” товуши иштирок этган сўзлардан гап тузишларини сўрайди. Болаларнинг сўздаги товушларни тўғри талаффуз қилишларига, тузилган гапда сўзларнинг боғланишига эътибор беради. Машғулот давомида албатта жисмоний дақиқа ўтилиши лозим.