ЎҚув методика маркази

7-машғулот
Мавзу: Шахсий ҳаёт (тажриба)дан ҳикоя тузиш “Мен қушларни овқатлантирдим”
Мақсад:
Воқеа содир бўлган жой ва вақт, табиат манзарасини қисқа тасвирлаб, шахсий тажрибадан ҳикоя тузишга ўргатиш.
Вазифалар:
Сўзлашув нутқини шакллантириш. Сўзларни тўғри талаффуз қилиш.
Сўзлаётганда тўғри нафас олишни ривожлантириш. Нутқнинг ифодалилигини тарбиялаш. “L” товушини тўғри талаффуз этиш.Саволларга тўлиқ (жумлалар тузиб) жавоб беришга ўргатишни давом этиш.
Кутилаётган натижалар:
Болаларнинг сўзлашув нутқи ривожланади.
Болалар саволларга тўлиқ (жумлалар тузиб) жавоб беришни ўрганадилар.
Керакли жиҳозлар:
Ўйинчоқ қушлар (ёки қушларнинг расмлари: чумчуқ, мусича)
Машғулотнинг бориши
Тарбиячи:
1. Ҳозир қандай фасл?
2. Қиш фаслида ҳаво қандай бўлади? (қаттиқ совуқ).
3. Қайси қушлар қишлаб қоладилар? Қишда қушлар қандай ҳаёт кечирадилар? Улар нима билан овқатланадилар? Биз қишлаб қолувчи қушларга қандай ёрдам берамиз? (Тарбиячи болалар жавобларини умумлаштиради).
Энди болалар, “Мен қушларни овқатлантираман” мавзусида ҳикоя тузамиз. Ҳаммангиз қилган ишингизни ўйланг. Қайси қушни қачон, қаерда овқатлантирдингиз? Учратган қушингизни номи нима? Уни қандай овқатлантирдингиз? Балки уйингизда қуш боқарсизлар-а? (3-4 боланинг ҳикоялари тингланади).
Бармоқлар машқи
Тарбиячи шеърни ўқиб туради. Болалар ҳаракатни бажарадилар.


Қушлар
Қушлар шоҳда сайрайди,
Учиб, қўниб яйрайди,
Шамол эсади ғир-ғир
Япроқлар шилдир-шилдир.

Иккала қўл бармоқлари қуш қаноти сингари паст-баландга ҳаракатлантирилади, сўнгра кафтлар очилиб бир-бирига қаратилган ҳолатда эгилиб, шамол эсганга ўхшаш ҳаракат бажарилади.

Тарбиячи болалардан қушлар ҳақидаги билган шеърларини айтиб беришларини сўраши мумкин.

Кичкина қушча Ш. Садулла	Қарға Д. Икромова
Ҳай, ҳай чумчуқ, Жажжи қуш, Шохда турма, пастга туш! Эрта-ю кеч тинмайсан, Чарчамоқни билмайсан. Чирқиллайсан излаб дон, Мана чумчуқ, сенга дон! Қорнинг тўйса айтасан, Сўнг уйингга қайтасан!	Қорлар ёғдиргим келар Аёзда учгим келар Қор-қор, қани ёғ дейман Оппоқ бўлсин боғ дейман. Гупиллаб қор ёғади Менга жуда ёқади.