ЎҚув методика маркази

6-машғулот
Мавзу: Асарни қайта ҳикоя қилдириш: “Алишер ва булбул” ривояти
Мақсад:
Асарни қайта сўзлаб бериш малакаларини ўстириш. Асар мазмунини мантиқий изчилликда ҳикоя қилишни, ўргатишда давом этиш.
Вазифалар:
Болаларнинг боғланган нутқини ривожлантириш.Сўзлаётганда тўғри нафас олишни ривожлантириш.Товушларни сўзларда аниқ айтиш.
А.Навоийнинг ҳикматли сўзларини, ибораларини тушунган ҳолда қайтариш, зарур вақтда эслатма тариқасида ҳикматли сўзларга изоҳлар бериш.
Гапирганда сўзларни бир-бирига боғлаб, жумлалар тузишга ўргатиш.
Кутилаётган натижалар:
Болаларнинг сўзлашув нутқи ривожланади.
Болаларнинг сўзларни бир-бирига боғлаб, жумлалар тузиш малакаси мустаҳкамланади.
Ҳикматли сўзлардан намуналар
Керакли жиҳозлар: “Алишер ва булбул” ривояти
Машғулотнинг бориши
Тарбиячи: Болалар, Алишер Навоийнинг болалик чоғлари ҳақида ёзилган ривоятни ўқиб бераман. Сизлар диққат билан эшитиб ўтиринг. Алишер Навоий қандай қилиб “Навоий” тахаллусини олганлиги ҳақида билиб оласиз (Тарбиячи асарни ўқиб беради).
Асар бўйича саволлар:
1. Алишер кимнинг ўғли бўлган экан?
2. Алишер болалигида қандай бола бўлган экан?
3. Алишернинг овозини булбул қайерда эшитиб қолибди?
Булбул Алишерга қандай маслаҳат берибди?
4. Алишерга булбулнинг қайси сўзи ёқиб қолибди?
Тарбиячи асарни яна бир бор ўқиб беради (5-6 нафар бола ҳикоя қилади).
Бармоқлар машқи
Тарбиячи шеърни ўқиб туради. Болалар ҳаракатни бажарадилар.
Б улбул
Д. Икромова
Куйлайман тонг- саҳарда,
Ҳоҳ қишлоқ, ҳоҳ шаҳарда.
Куйимдан янграйди дил,
Барча дер: яша булбул!

Ҳикматли сўзлардан намуналар

Бобомиз Алишер Навоийнинг ҳикматли сўзларидан ёд олган эдик. Ҳозир ўрганилган сўзларни такрорлаймиз.
1.Билмаганни сўраб олган олим, орланиб сўрамаган ўзига золим.
2. Оз-оз ўрганиб доно бўлур, қатра-қатра йиғилиб дарё бўлур.
3. Яхши киши ёмонларга ҳам яхшилигини унутмас.
4.Яхшиликни билмасанг, яхшиларга қўшил
(Болалар ҳикматли сўзларни айтганларида тарбиячи эслатма тариқасида изоҳ бериши мумкин.