ЎҚув методика маркази

5-машғулот
Мавзу: Жамоа ҳаётидан ҳикоя тузиш: “Бизнинг боғча”
Мақсад:
Шахсий ҳаётда бўлган воқеаларни ҳикоя қилиб сўзлаб беришга ўргатиш.
Вазифалар:
Болаларнинг сўзлашув нутқини ривожлантириш. Сўзлаётганда тўғри нафас олишни ривожлантириш. Сўзларни бир-бирига боғлаб, жумлалар тузиш малакасини мустаҳкамлаш. Айтилган жумлани қандай ҳолат (кайфият)да айтилганини аниқлаш (хафа, хурсанд).
Кутилаётган натижалар:
Болаларнинг сўзлашув нутқи ривожланади.
Болаларнинг сўзларни бир-бирига боғлаб, жумлалар тузиш малакаси мустаҳкамланади.
Керакли жиҳозлар:
“Боғча-боғча” ўйини учун жиҳозлар
Машғулотнинг бориши
Тарбиячи: Болалар, ҳозир боғчамиз ҳақида суҳбатлашамиз. Биз боғчамизни яхши кўрамиз. Боғчамиз бизнинг иккинчи уйимиз. Сиз мактабга борганингизда ўқитувчингиз “Боғчангиз ҳақида гапириб беринг” дейиши мумкин. Шунда сиз қийналиб қолмаслигингиз учун “Бизнинг боғча” мавзусида ҳикоя тузишга ўрганамиз.
1. Боғчамиз қайси кўчада жойлашган?
2. Боғчамиз неча қаватли?
3. Боғчамизнинг қандай хоналари бор?
4. Ўйин майдончаси, ер майдончалари борми?
5. Боғчамизнинг киравериши қандай безатилган?
Тарбиячи: Боғчамиз ҳақида суҳбатлашиб олдик. Энди ким “Бизнинг боғча” мавзусида ҳикоя тузиб беради? (Тарбиячи намунавий ҳикоя бериши мумкин).
Боғчамиз Олмазор кўчасида жойлашган. Икки қаватли. Биринчи қаватида ошхона, мудира, ҳамшира хоналари бор. Шу қаватда музей жойлашган. Мусаввирлар боғчамизнинг кираверишини ўзбек халқ эртакларидан лавҳалар билан безатишган. Биз боғчамизни яхши кўрамиз. (5-6 боланинг ҳикоялари тингланади).
Тарбиячи: Мен ҳикояларингизни эшитиб, боғчангизни қанчалик яхши кўришингизни билиб олдим. Ҳозир “Мен боғчага бораман” жумласини мен чақирган бола айтади. Қолган болалар айтилган гап қайси кайфиятда айтилганини аниқлайдилар (Болалар жумлани хафа, хурсанд каби ҳолатда-кайфиятда айтишлари мумкин).
Саводга тайёрлаш бўйича амалий машқ
“Тез айтишни –кўп айтиш” ўйини
Мен рандаман, рандаман.
Мен хурсандман устаман.
Болалар, тез айтишда “R” товуши кўп учради.
Келинглар ҳаммамиз r товушини биргаликда талаффуз қиламиз.
Машғулот якунида барча болаларни рағбатлантириш.