ЎҚув методика маркази

Болалар билимини текшириш ва мустаҳкамлаш учун саволлар
-Бугун болалар, қайси товуши иштирок этган расмларни номладик ва улар ҳақида гап туздик?
-Нечта сўздан иборат гаплар туздик?
-Қайси сўзда “D” товуши сўзнинг бошида келди?
-Қайси сўзда “D” товуши сўзнинг ўртасида келди?
-Қайси сўзда “D” товуши сўзнинг охирида келди?


5-машғулот
Мавзу: М.Муродовнинг “Икки ният” ҳикояси асосида қайта ҳикоя қилиш
Мақсад:
Асар мазмунини мантиқий изчилликда ҳикоя қилишга ўргатиш. Асар воқеаларини сўзлаётганда овоз оҳангининг хилма-хиллиги, сўроқ, ҳис-ҳаяжон кабиларни қўллай олишларига эришиш.
Вазифалар:
Болаларнинг боғланган нутқини ривожлантириш. Сўзлаётганда тўғри нафас олишни ривожлантириш. Сўзларни аниқ ва бурро айтиш.Мақолдаги сўзларни аниқ ва бурро талаффуз қилиш.“B” товуши устида ишлаш. Гапни таҳлил қилиш.
Кутилаётган натижалар:
Болаларнинг боғланган нутқи ривожланади.
Болалар мантиқий ривожланиб борувчи ҳикоя тузишни ўрганадилар.
Керакли жиҳозлар:
Иккинчи жаҳон уруши тасвирланган суратлар
Машғулотнинг бориши
Тарбиячи: Болажонлар, мана бу суратларда қандай воқеалар тасвирланган? Кимнинг буваси Иккинчи Жаҳон уруши қатнашчиси, Буваларимизнинг уруш ҳақидаги хотира ҳикояларини эшитганмисиз? Мен ҳозир Муроджон деган бола буваси билан нималар ҳақида сўзлашганлиги ҳақида ўқиб бераман. Диққат билан эшитинг-чи, уларнинг суҳбати нималар ҳақида экан? (Тарбиячи ҳикояни ифодали қилиб ўқиб беради).
Ҳикоя бўйича саволлар:
1. Муроджон албомини варақлаб, қандай суратни кўриб қолди?
2. Нима сўради?
3. Буваси нима деб жавоб берди?
4. Бувасининг биринчи нияти нима экан?
5. Иккинчи нияти қандай бўлган экан?
Савол-жавобдан сўнг, ҳикоя яна бир бор ўқиб берилади ва 5-6 нафар боладан қайта ҳикоя қилиб бериш сўралади.
Тетиклаштирувчи машқ
Ҳарбийлар машқи. Ҳарбийларга ўхшаб юриш: олдинга, орқага, ўнга, чапга.
Тарбиячи болалардан ватанпарварлик ҳақида билган мақолларини айтишларини сўрайди. Тарбиячи болаларнинг талаффузини, жумла тузишларини назорат қилади:
1. Она юртинг омон бўлса, ранг-рўйинг сомон
бўлмас.
2. Ҳар қуш ўз уясига қараб учади.
3. Булбул чаманни севар, одам Ватанни севар.
Тарбиячи: Айтган мақолларингиз, ўқилган ҳикояга мос келадими?
Бувасининг биринчи нияти ҳақида қандай мақол айтиш мумкин?
Буванинг иккинчи нияти ҳақида қандай мақол айтиш мумкин? (Ҳар қуш ўз уясига қараб учади).
3. Она билан бола – гул билан лола.