ЎҚув методика маркази

Грамматик машқ
1. Болари ҳикояда қандай тасвирланган? (меҳнаткаш, меҳнатсевар, доно).
2. Пашша-чи? (Ялқов, дангаса, нодон).
“Ортиқчасини топ” ўйини
Турли меҳнат қуроллари ва битта ортиқча буюм тасвирланган карточкалар ҳар бир болага берилади. Болалар тасвирдаги ортиқча буюмни топадилар ва нима учун ортиқчалигини изоҳлаб берадилар.
Ҳикояни саҳналаштириш билан машғулотни якунлаш мумкин.
“Болари ва Пашша” Абдулла Авлоний.
Бир пашша қир тарафдан учиб келмоқда экан. Арини кўриб: “Дўстим, қаердан келяпсан?”-деди. Ари: Қирдан келяпман. Бир оз бол йиғдим. Уй ясамоқ учун мум ҳам йиғдим, тайёрладим,-деди. Пашша “Оҳ, биродар! Бир бошинг учун мунча ҳаракат қиласан. Нима бўлади, сен ҳам мен каби қийналмай яшасанг. Мен инсонлар ҳозирлаган дастурхондан ҳар хил таомларни еб-ичиб умр ўтказаман. Баъзи вақтларда сен ясаган болингдан ҳам тўйгунимча ейман. Мана! Яшамоқ -мана! Умр кечирмоқ учун оламда бундан яхши турмуш бўладими? На менда бол ҳозирламоқ машаққати ва на уя солмоқ кулфати бор”, - деди. Ари бу сўзларга жавобан дедики: “Оҳ, дўстим! Машаққатсиз таомда лаззат борми?!” инсонлар сени дастурхондан қувадилар, урадилар, ўлдирадилар. Сен оламда ўғрилар каби умр ўтказасан. Аммо менинг машаққатли меҳнатим жуда фойдали ва мароқли. Болим эса инсонлар учун фойдалидир, уларнинг оғзини тотли қилур. Шу сабабли инсонлар мени боқадилар ва ҳар ерда мени мақтайдилар”-деди-да,-“Қўй биродар, мени ишим кўп, сен билан беҳуда сўзлашишга вақтим йўқ”,-деб учиб кетди.
2-машғулот
Мавзу: “R” товушини тўғри талаффуз қилиш
Мақсад:
“R” товушининг тўғри талаффузини мустаҳкамлаш.
Вазифалар:
“R” товушини ўрни аниқлаш: сўз боши, ўртаси ва охирида келишини айтиш,сўзларни бўғинларга ажратиш, “R” товушини эшитиб фарқлашга ўргатиш, “R” товушли сўзлар билан болалар нутқини бойитиш.
Кутилаётган натижалар:
“R” товушининг ундош товуш эканлигини, унинг сўз боши, ўртаси ва охирида келишини билиб оладилар.
“R” товушли сўзлар айта оладилар.