ЎҚув методика маркази

Болалар билимини текшириш ва мустаҳкамлаш учун саволлар :
1. 14-январ қандай кун?
2. Кимлар кучли ва ботирлар?
3.Аскарларимиз Ватанимизни кимлардан ҳимоя қилади?
4.Армиямизда қандай қуроллар бор?
5. Аскарлар ҳақида ким шеърни ёддан айтиб беради?


4-машғулот
Мавзу: расмларни номлаш (“D” товуши) ва улар иштирокида гап тузиш
Мақсад: Расмларни номлаганда сўздаги ҳар бир товушни тўғри талаффуз қилиш. Болаларга берилган расмлар асосида мустақил гап тузишга ўргатиш. Сўзлар гапда боғланиши ҳақида тушунчаларини мустаҳкамлаш. Сўзларни бўғинларга бўлиш.
Вазифалар:
Расмлар орқали гап ҳақида тушунчаларини мустаҳкамлаш, луғатни фаоллаштириш.
Боғланишли нутқ- гап тузиш кўникмаларини шакллантириш.
Нутқнинг ифодалилигини тарбиялаш.
Гапни сўзларга бўлишга ўргатиш.
Кутилаётган натижалар:
Расмлар асосида гап тузишга ўрганадилар.
Грамматик жиҳатдан тўғри сўзлашга интилади
Керакли жиҳозлар:
Турли мавзуларда расмлар
Машғулотнинг бориши. Тарбиячи: Бугун болалар, сиз билан “D” товуши иштирок этган расмларни кўрамиз, улар ҳақида гап тузамиз.
-Бу қандай ўсимлик? (дон)
-Мен дон ҳақида гап туздим. “Далада дон мўл.”
- болалар, ҳозир мен сизга расмлар тарқатаман. Сиз расмга қараб гап тузасиз.
Тарбиячи: - Шоира, сенда қандай расм бор, номла.
Шоира:-менда дутор расми бор.
Тарбиячи: дутор сўзида “D” товуши сўзнинг қаерида келяпти?
Шоира: дутор сўзида “D” товуши сўзнинг бошида келяпти.
Тарбиячи: дутор сўзини бўғинга бўл.
Шоира: ду-тор
Тарбиячи:- ду-тор сўзи неча бўғин экан?
Шоира: дутор сўзи икки бўғин экан
Тарбиячи:- дутор ҳақида қандай гап туздинг?
Шоира: - Доно дутор чалди.
Тарбиячи: тузган гапингда нечта сўз бор?
Шоира учта
Тарбиячи: -қандай сўзлар?
Шоира: - “Доно”, “дутор”, “чалди”
Тарбиячи: -тўғри, Шоира уч сўздан иборат гап тузди. Доно дутор чалди. Гапда “Доно” биринчи сўз, “дутор” иккинчи сўз, “чалди” учинчи сўз.
Тарбиячи шу тариқа болалардан “D” товуши иштирок этган сўзлардан гап тузишларини сўрайди. Болаларнинг сўздаги товушларни тўғри талаффуз қилишларига, тузилган гапда сўзларнинг боғланишига эътибор беради. Машғулот давомида албатта жисмоний дақиқа ўтилиши лозим.