ЎҚув адабиёти овқатланиш гигиенаси фани бўйича ўҚув қЎлланма профессор Г. И. Шайхова таҳрири остида

Оддий простокваша. Жуда қуюқ бўлади, уни ивитиш учун фақат бир турдаги микроорганизм – сут кислота стрептококки ишлатилади. Бу пуостоквашада кислоталар камроқ бўлади, шунинг учун болалар овқати ва парҳез учун ишлатилади.
Мечников простоквашаси. Уни ивитиш учун сут кислота стрептококкидан ташқари яна болгар таёқчасидан ҳам фойдаланилади.
Ряженка. Қўнғирсимон – малларанг ва ўзига хос таъмли бўлади. Уни қаймоқ қўшиш йўли билан таркибидаги ёғ микдори 6% га етказилган стерилланган сутдан тайёрланади. Сут кислота стрептококки томизғи бўлиб хизмат қилади.
Йогурт. Таркибида сут кислота стрептококки ва болгар таёқчаси бўлган томизғидан тайёрланади. Бу микроорганизмлар биргаликда кўпайиб бориб, кўпроқ сут кислота ҳосил қилади. Йогурт 1,5-3,2 ва 6% ёғли қилиб тайёрланади. Йогуртда 4,5% оқсил бўлади, у очликни тез қондириб, чанқоқни босади.
Ацидофил сут. Бу сут юқори антибиотик хоссага эга. Уни тайёрлаш учун сутга 80% шиллиқсиз, 20% шиллиқли ацидофил таёқчаси қўшилади.
Қуритилиб герметик идишларга жойланган қуруқ сутнинг намлиги 4% дан ошмаслиги, герметик идишда бўлмаганиники 7% дан ошмаслиги керак. Герметик идишдаги қуруқ сутнинг сақланиш муддати 8 ой, герметик бўлмаган идишдагисиники -3 ой.
Ацидофил паста. Бу ацидофил сутни пресслаб зардобини олиш йўли билан тайёрланади. Антибиотик хоссага эга. Бундан ич кетиши, метеоризм, гастритлар, ярали колитларни даволашда фойдаланилади.