ЎҚув адабиёти овқатланиш гигиенаси фани бўйича ўҚув қЎлланма профессор Г. И. Шайхова таҳрири остида

Текшириш учун намуна олиш.
Гўштни текшириш учун қуйидаги қисмлардан намуналар олинади:

1. 
   4,5 -бўйин умуртқасидан
   
2. 
   куракни олди қисмидан
   
3. 
   соннинг гўштли қисмидан
   

Ҳар битта олинган намуналар алоҳида пергамент қоғозга ўраб бир-биридан алоҳида қоғоз пакетларга солинади, яшиклар лабараторияга жўнатилади. Йўлланмада қуйидагилар ёзилган бўлади: текшириш мақсади, олинган жой, муддати, ҳайвоннинг тури ва рақами. Намуналар билан бирга лабараторияга далолатнома нусхаси, олинган жойи ва вақти билан ҳайвоннинг тури, рақами, сотувчининг Ф.И.Ш., текшириш мақсади ва текширувчининг имзоси билан жўнатилади.


ГЎШТНИ ОРГАНОЛЕПТИК КЎРСАТКИЧЛАРНИ БАҲОЛАШ
Гўштнинг органолептик хусусиятлари. Ранги ва ташқи кўриниши. Ташқи кўринишида мушакларнинг ранги ва устидаги ёғ қавати, гўштнинг чуқур ва юзаки кесилган жойига, устининг шилимшиқлигига, унинг намлиги ва ёпишқоқлигига эътибор бериш керак. Гўштнинг намлигини бир парча фильтр қоғоз қўйиб текширилади. Янги гўшт фильтр қоғозга енгил намлик беради.
Консистенциясини аниқлаш. Янги кесилган жойни бармоқ билан босганда чуқур пайдо бўлади, янги гўштда бу чуқур тезда қайтади, гумон қилинган гўштда бу чуқурча 1 дақиқадан кейин қайтади.
Ҳидини аниқлаш. Биринчи юқори қаватдаги ҳид аниқланади, кейин тоза пичоқ билан кесиб олиб тезда қалин мушаклардаги ҳиди аниқланади. Суякка ёпишган гўштга алоҳида эътибор берилади. Гўштнинг ҳиди "қизиган пичоқ" усулида яхши сезилади мушак чуқурлигига қиздирилган пичоқ тиқилади ва тезда чиқариб олиб пичоқдаги ҳид аниқланади. Бу усул гумон қилинаётган гўштни текширишда яхши натижа беради. Пичоқни ўрнига нозик ёғочли шпилка ишлатса ҳам бўлади (“шпилка” синамаси).
Ёғнинг ҳолатини аниқлаш. Ёғ қатлами ранги, унинг ҳиди ва консистенцияси ёғ бўлакларини бармоқ билан босиб кўриб аниқланади.
Суяк кўмиги ҳолатини аниқлаш. Найсимон суяклар ичидаги суяк кўмигининг жойлашиши аниқланади. Янги гўшт кўмиги найсимон суякнииг хаммасини эгаллайди. Суяк кўмиги ажратиб олиниб унинг ранги, таранглиги ва ялтироқлиги аниқланади.
Гўшт таъмини аниқлаш. Гўшт таъмини қайнатиб кўриб аниқлаш мумкин. Бунинг учун текширилаётган гўштни (30-50 гр) бўлакчаларга бўлиб устидан дистилланган сув қўйиб, усти ёпиқ идишда қайнатилади. Қайнатиш мобайнида ва қайнатиб бўлган шўрвасини тиниқлигига, ҳидига, рангига, мазасига ва ёғига (майда ва йирик томчилар) эътибор берилади. Унинг тиниқлиги катта пробиркага ёки 25 мл.ли цилиндр идишга 20 мл шўрваси қуйилиб аниқланади.