Услубий қЎлланма фарғона – 020 Ўзбекистон республикаси халқ таълими вазирлиги

ЎҚИТУВЧИЛАР ҲАФТАДА БИР КУН НАВБАТЧИЛИК ҚИЛИШЛАРИ ШАРТМИ? #Жавоб

Одатда ўқувчилар ва ишчи-хизматчиларнинг ҳаёт ҳавфсизлигини таъминлаш, мактаб биноси ва ҳудудини қўриқлаш, ўқувчиларнинг тартиб-интизомини ва қаватларда ўзини тутишини назорат қилиш, ўқувчиларни дарс жараёнида бесабаб юришларини, дарс жараёнига ўқитувчилар ва ўқувчиларни кечикиб келишларини олдини олиш ҳамда таълим-тарбия жараёнини тўғри ва тўлақонли ташкил этилишини таъминлаш мақсадида мактабларда директорнинг буйруғи билан навбатчилик ташкил этилади.

Ҳўш, унда навбатчилик қилишдан педагог ходимлар бош тортиши мумкинми?

Ўзбекистон Республикаси Вазирлар Маҳкамасининг 2017 йил 15 мартдаги 140-сон қарори билан тасдиқланган “Умумий ўрта таълим тўғрисидаги низомни тасдиқлаш ҳақида”ги қарорига мувофиқ барча умумтаълим муассасаларининг ўз низоми бўлиши белгилаб қўйилган. Низом таълим туpи хусусиятлаpи ва таълим муассасасида кадpлаp тайёpлашнинг ўзига хос хусусиятлаpи ҳисобга олинган ҳолда ишлаб чиқилиб, умумтаълим мактаблари уни тасдиқлаш учун белгиланган таpтибга мувофиқ ўзгаpтиpиш ва қўшимчалаp киpитиш ҳуқуқига эга. Умумтаълим мактабларининг низомида эса педагог ходимларнинг ҳуқуқ ва мажбуриятлари, мактабда ўзини қандай тутиши, формаси ва бошқалар шу билан бирга мактаб директори ва касаба уюшмаси қўмитаси раиси томонидан тасдикланган навбатчилик жадвалига биноан мактаб бўйича навбатчилик килиши ҳам белгилаб қўйилган.

Мактаб низоми ижpо этувчи ҳокимият маҳаллий оpганлаpида pўйхатдан ўтказилиб, ҳоким томонидан тасдиқланганлиги учун низомда белгилаб қўйилган талабларга барча ходимлар бўйсинишга мажбурдир. Шу сабабли ўқитувчилар навбатчиликдан бош тортишга ҳақли эмас.

МАКТАБЛАРНИ ТЕКШИРИШНИНГ ТАРТИБИ БОРМИ?
#Савол


Мактабимизни текширгани жуда кўплаб ишчи гуруҳлар келяпти. Кўп текширувлар келгани боис бемалол ишлолмаяпмиз. Саволим шундан иборатки мактабларни текширишга кимлар ҳақли, қачон ва кандай тартибда?


#Жавоб

Умумтаълим муассасалари фаолиятини текшириш ишларини тартибга солиш мақсадида Ўзбекистон Республикаси Вазирлар Маҳкамасининг 2019 йил 25 апрелдаги “Мактабгача ҳамда умумтаълим муассасалари фаолиятини текшириш ишларини тартибга солиш чора-тадбирлари тўғрисида”ги 352-сонли қарори тасдиқланган. Ушбу қарорга мувофиқ умумтаълим муассасаларининг фаолиятини текшириш қуйидаги шаклларда амалга оширилади:

✅режали текшириш;

✅режадан ташқари текшириш;

✅назорат тартибида текшириш