Услубий қЎлланма фарғона – 020 Ўзбекистон республикаси халқ таълими вазирлиги

РАҲБАР ХОДИМЛАР ДАРС БЕРИШИ МУМКИН ЭМАСМИ?
#Савол


Ассалому алайкум! Ҳозирда ****** шахар, ****** тумани мактабларида ишлайдиган ММИБДЎларининг 10 соат дарси олиб куйилди, мумкин эмас экан. Ҳоким шундай деб буйруқ берибди шу тўғрими?


#Жавоб

Мазкур саволга жавоб Вазирлар Маҳкамасининг 2005 йил 21 декабрдаги 275-сон қарорига 3-илова, «Халқ таълими ходимлари меҳнатига ҳақ тўлаш тўғрисида»ги Низомда белгилаб қўйилган. Ушбу қарорга мувофиқ раҳбар ходимлар 10 соатгача дарс бериши мумкин.

Умумтаълим мактабларида раҳбар ходимлар сифатида умумтаълим мактаби директори, мактаб директорининг ўқув ишлари бўйича ўринбосари, мактаб директорининг маънавий-маърифий ишлар бўйича ўринбосари, мактаб директорининг спорт ишлари бўйича ўринбосари, умумтаълим мактабидаги ўқувчиларни чақириққа тайёрлаш раҳбари ва бошқалар қаралади. Мазкур Низомнинг 14-бандида белгилашинича, халқ таълими муассасасининг раҳбар ходимлари томонидан асосий лавозимнинг бир ҳафтада 10 соатгача ҳажмда ўқитувчи лавозими билан қўшиб олиб борилишига (ўқув юкламаси юритилишига) йўл қўйилади.

Юқоридагилардан келиб чиқиб шуни айтиш мумкинки, мактаб раҳбар ходимлари 10 соатгача дарс беришлари мумкин. Бу ўринда туман ҳокими нафақат ноҳақ балки Ўзбекистон Республикаси Взирлар Маҳкамаси Қарорига қарши чиққан деб ҳисоблаймиз.

“ДАВОМАТНИ КИМ ОЛИШИ” КЕРАК?

#Савол
Мактабда кунлик давомат ким томонидан аниқланиши керак?


#Жавоб

Мактаб миқёсида кунлик ўқувчилар давомати мактаб ёшлар етакчиси томонидан олиб борилади. Ўқувчилар давомати хар ўқув кунида 2 мартта (1-соат ва охириги дарс давомида) ўрганилади. Ўқувчилар давомати мактаб миқёсида маънавий-маърифий ишлар бўйича директор ўринбосари томонидан назорат қилинади ва мувофиқлаштирилади.

Мактаб ўқувчиларининг умумий кунлик давомати ўқув куни якунига кўра ёшлар етакчиси томонидан берилган маълумотлар асосида маънавий-маърифий ишлар бўйича директор ўринбосари томонидан умумлаштирилади ва туман (шахар) халқ таълими бўлимига тақдим этиш учун директорига киритилади.