Ушбу Қоидаларда қуйидаги асосий тушунчалар қўлланилади: гендер-ҳуқуқий экспертиза

2-машқ
Машқнинг мақсади: чегараланган вақт ичида ётган ҳолатда ўқ отишни ўргатиш.
Нишон: ердан 20-30 см баландликда ўрнатилган бўй баробар кўринишдаги 8-нишон.
Нишонгача бўлган масофа: 100 метр
Патронлар сони: 15 дона
Ажратилган вақт: 90 сония
Ўқ отиш ҳолати: ётиб, тиззадан ва тик турган ҳолда
Ўқ отиш тартиби: якка тартибда
Баҳо:
«аъло» 12 та ўқ нишонга тегса
«яхши» 10 та ўқ нишонга тегса
«қониқарли» 8 та ўқ нишонга тегса
5,45 мм АК-74 автоматидан:
«аъло» 10 та ўқ нишонга тегса
«яхши» 8 та ўқ нишонга тегса
«қониқарли» 6 та ўқ нишонга тегса


Бажариш тартиби:

Машғулот раҳбарининг буйруғига асосан бошланғич чизиқда ўқ отувчи гуруҳ патронни олиб ўқдонга жойлаштиради ва уни автоматга ўрнатади. Раҳбарнинг «Ўт очиш чизиғига қадам бос!» деган командасига асосан ўқ отувчи ўт очиш чизиғига келиб тўхтайди. Раҳбарнинг «Ўқ отишга тайёрланинг!» командаси бўйича автоматни елкадан ўнг қўлига олади, ўнг оёқни олдинга қўйиб ўнга олади, чап қўлга таянган ҳолда чап томонга ёнбошлайди, қорин билан ерга ётади, чап қўл билан автоматнинг тутқичини ушлаб, ўнг қўл билан сақлагич энг пастки ҳолатга туширади, ўқлагич орқага тортилиб қўйиб юборилади, сақлагич энг юқори ҳолатга кўтарилади, мўлжаллга олиш планкаси 3 га («АК-74» - 4 га) қўйилади. Раҳбар томонидан «Ўт оч!» командаси берилгандан сўнг, ўқ отувчи сақлагични энг охирги ҳолатга туширади ва мустақил равишда ётган ҳолда нишонга 5 та ўқ узади. Ўқ отишни тугатгандан кейин ўқ отувчи қуйидагиларни бажаради. Бўшаган биринчи ўқдонни автоматдан ажратади, иккинчи ўқдонни 5 та патрони билан автоматга ўрнатади ва автоматни ўқ отишга тайёрлаб тиззага ўтирган ҳолда нишонга қаратиб 5 та ўқ узади. Ўқ отувчи бўшаган иккинчи ўқдонни автоматдан ажратиб учинчи ўқдонни 5 та ўқи билан автоматга ўрнатади ва автоматни ўқ отишга тайёрлаб тик турган ҳолда нишонга 5 та ўқ узади.

Вақт тугагандан кейин раҳбарнинг кўрсатмасига асосан қурол кўздан кечирилади, автоматда ўқ бор йўқлиги текшириб кўрилади, отилган гилза йиғилади.